ഇറാഖ് ആക്രമിച്ചാല് യു എസില് തീവ്രവാദി ആക്രമണം
വാഷിംഗ്ടന്: ഇറാക്കിനെ ആക്രമിച്ചാല് യു എസില് ഭീകരാക്രമണമുണ്ടാവുമെന്ന് അറസ്റിലായ അല് ക്വയ്ദ നേതാവ് ഖാലിദ് ഷേഖ് മുഹമ്മദ് പറയുന്നു.
ഇറാഖിനെ ആക്രമിയ്ക്കാനായി ഗള്ഫ് മേഖലയില് യു എസ് സൈനിക സന്നാഹങ്ങള് നടത്തുന്നതിനെ കുറിച്ച് സൂചിപ്പിച്ചുകൊണ്ടാണ് ഖാലിദ് ഇത് പറഞ്ഞത്. പാകിസ്താനില് പിടിയിലായ ഖാലിദ് ചോദ്യം ചെയ്യലിനിടയ്ക്കാണ് ആക്രമണം നടക്കാവുന്ന യു എസിലെ ഒട്ടേറെ സ്ഥലങ്ങളുടെ പട്ടിക തന്നെ നിരത്തിയത്.
ഇറാഖ് യുദ്ധം തുടങ്ങിക്കോട്ടെ, ഗള്ഫിലെ യു എസ് സൈനികത്താവളങ്ങളില് തന്നെ അവര് ചത്ത് വീഴും. എനിയ്ക്ക് ഇതിനെക്കുറിച്ച് പ്രത്യേക അറിവൊന്നും ഇല്ല. പക്ഷേ എന്റെ ആറാം ഇന്ദ്രിയം ഇതാണ് പറയുന്നത്. - ഖാലിദ് ഇങ്ങനെ പറഞ്ഞതായാണ് പാകിസ്താന് ഉദ്വോഗസ്ഥന്മാര് പറയുന്നത്. അല് ക്വയ്ദ സംഘത്തിലെ മൂന്നാമനായാണ് ഖാലിദിനെ കരുതുന്നത്. ഒസാമ ബിന് ലാദന് കഴിഞ്ഞാല് പ്രധാനി എയ്മന് സവാഹിരിയാണ്. ഖാലിദ് അടുത്ത ആളാണ്.
യു എസിന്റെ പിണിയാളായി ഇരുന്നതുകൊണ്ട് നിങ്ങള്ക്കോ പാകിസ്താനോ ഒരു ഗുണവും ഉണ്ടാകാന് പോകുന്നില്ല. ചോദ്യം ചെയ്ത പാകിസ്താന്കാരോട് ഖാലിദ് പറഞ്ഞു. എന്നെപ്പോലെ നൂറുകണക്കിന് ആളുകള് ജീവന് വരെ വെടിയാന് തയ്യാറായി ഉണ്ട്. അവര് അമേരിക്കക്കാരനെ ഒരിയ്ക്കലും മനസമാധാനത്തോടെ ലോകത്തിന്റെ ഒരു കോണിലും ജീവിയ്ക്കാന് അനുവദിയ്ക്കില്ല. ഖാലിദ് വ്യക്തമാക്കി.