മൂഴിയാര്‍ സ്ഫോടനം അന്വേഷിക്കും: മന്ത്രി

പത്തനംതിട്ട: ശബരിഗിരി വൈദ്യുത പദ്ധതിയുടെ മൂഴിയാര്‍ പവര്‍ ഹൗസില്‍ മാര്‍ച്ച് ഏഴ് വെള്ളിയാഴ്ച നടന്ന സ്ഫോടനത്തെക്കുറിച്ച് അന്വേഷിക്കുമെന്ന് വൈദ്യുതി മന്ത്രി കടവൂര്‍ ശിവദാസന്‍.

മാര്‍ച്ച് എട്ട് ശനിയാഴ്ച വാര്‍ത്താസമ്മേളനത്തിലാണ് മന്ത്രി ഇക്കാര്യം പറഞ്ഞത്. ഉണ്ടായി. വൈദ്യുതി ബോര്‍ഡിലെ ഒരു ജീവനക്കാരന്റെ മരണത്തിന് കാരണമായ ഈ സ്ഫോടനം പക്ഷെ അട്ടിമറിമൂലമല്ലെന്നും മന്ത്രി വ്യക്തമാക്കി.

തീപിടിത്തത്തെ തുടര്‍ന്നാണ് സ്ഫോടനം ഉണ്ടായത്. ശരിയായ കാരണം അന്വേഷണത്തിലൂടെ കണ്ടെത്തുമെന്നും കുറ്റക്കാര്‍ക്കെതിരെ കര്‍ശനമായ ശിക്ഷാനടപടികളെടുക്കുമെന്നും മന്ത്രി പറഞ്ഞു.