ജര്‍മ്മന്‍ മലയാളി പുരസ്കാരങ്ങള്‍ പ്രഖ്യാപിച്ചു

കൊച്ചി: യൂണിയന്‍ ഓഫ് ജര്‍മ്മന്‍ മലയാളി അസോസിയേഷന്റെ ബെസ്റ് മിനിസ്റര്‍ ഓഫ് എക്സലന്‍സ് അവാര്‍ഡ് കുഞ്ഞാലിക്കുട്ടിയ്ക്ക്.

മികച്ച വിദേശ മലയാളി വ്യവസായിയ്ക്കുള്ള അവാര്‍ഡ് എംകെ ഗ്രൂപ്പ് മാനേജിംഗ് ഡയറക്ടര്‍ എം.എ. യൂസഫ് അലിയ്ക്കാണ്. വ്യവസായ രംഗത്ത് മികച്ച വിജയം നേടിയ വ്യവസായിയ്ക്കുള്ള അവാര്‍ഡ് കൊച്ചിയിലെ തുണി വ്യാപാരിയായ എല്‍. ശിവാനന്ദനാണ്. ആയുര്‍വേദ സൗന്ദര്യ വര്‍ദ്ധക ഉല്പന്നം ഇറക്കി വിജയിച്ച പോള്‍ ചാക്കോളയാണ് മികച്ച യുവ വ്യവസായി.

മാദ്ധ്യമ രംഗത്തെ ഈവര്‍ഷത്തെ മികച്ച വ്യക്തിയായി തിരഞ്ഞെടുക്കപ്പെട്ടത് മാതൃഭൂമി ഇലക്ട്രോണിക്ക് മീഡിയ വിഭാഗം ഡയറക്ടര്‍ എം.വി. ശ്രേയംസ് കുമാറാണ്.

മാര്‍ച്ച് 20 ന് കൊച്ചിയില്‍ നടക്കുന്ന ചടങ്ങില്‍ അവാര്‍ഡ് നേടിയവര്‍ക്ക് സ്മരണികകള്‍ വിതരണം ചെയ്യും.

ആഗോള നിക്ഷേപക സമ്മേളനം വിജയകരമായി നടത്തിയതിനാണ് കുഞ്ഞാലിക്കുട്ടിയ്ക്ക് ഈ അവാര്‍ഡ് നല്‍കുന്നതെന്ന് അസോസിയേഷന്‍ പ്രസിഡണ്ട് എബ്രഹാം ജോണ്‍ വ്യക്തമാക്കി. ആഗോള നിക്ഷേപക സമ്മേളനം കേരളത്തെ പ്രധാന നിക്ഷേപ കേന്ദ്രമായി ഉയര്‍ത്തിക്കാട്ടുന്നതിന് സഹായിച്ചു. ഇനിയും കൂടുതല്‍ നിക്ഷേപകര്‍ കേരളത്തിലേയ്ക്ക് വരുമെന്നാണ് കരുതുന്നത്.