മുത്തങ്ങ: ഹൈക്കമാന്റ് റിപ്പോര്ട്ട് ചോദിക്കും
ദില്ലി: മുത്തങ്ങ പ്രശ്നത്തിന്റെ പേരില് കേരളത്തില് മാധ്യമപ്രവര്ത്തകരെ പീഡിപ്പിക്കുന്നുവെന്ന ആരോപണത്തെക്കുറിച്ച് കോണ്ഗ്രസ് ഹൈക്കമാന്റ് വിശദീകരണം ചോദിച്ചേക്കുമെന്ന് സൂചന. എഐസിസി വൃത്തങ്ങള് സൂചിപ്പിച്ചതാണ് ഇക്കാര്യം.
മുത്തങ്ങയില് ആദിവാസി കയ്യേറ്റവും കുടിയൊഴിപ്പിക്കലും റിപ്പോര്ട്ട് ചെയ്ത മാധ്യമപ്രവര്ത്തകര്ക്കെതിരെ സംസ്ഥാന സര്ക്കാര് പൊലീസിനെ ഉപയോഗിച്ച് പ്രതികാരനടപടികളെടുക്കുന്നുവെന്നാണ് ആരോപണം. ഇതിനുദാഹരണമാണ് ഏഷ്യാനെറ്റ് വയനാട് ലേഖകന് സുരേന്ദ്രനെതിരായി ഉണ്ടായ പൊലീസ് നടപടി.
പത്രലേഖകരെ കേരളത്തില് പീഡിപ്പിക്കുന്നു എന്നത് സംബന്ധിച്ച് പൂര്ണ്ണറിപ്പോര്ട്ട് കിട്ടിയിട്ടില്ലെന്ന് എഐസിസി വക്താവ് ജയപാല് റെഡ്ഡി പറഞ്ഞു. പത്രലേഖകര്ക്ക് പൂര്ണ്ണ സ്വാതന്ത്യ്രം നല്കലാണ് കോണ്ഗ്രസ് നയം. അതേ സമയം മുത്തങ്ങയില് ആദിവാസികള്ക്ക് നേരെ ആന്റണി സര്ക്കാര് എടുത്ത നടപടി ശരിയാണെന്ന് ജയപാല് റെഡ്ഡി പറഞ്ഞു.