സ്വാശ്രയ പ്രവേശനം: മാനദണ്ഡം കൊണ്ടുവരും
തിരുവനന്തപുരം: ന്യൂനപക്ഷ സ്വാശ്രയകോളജുകളിലേക്കുള്ള പ്രവേശനം സംബന്ധിച്ച് മാനദണ്ഡം കൊണ്ടുവരുമെന്ന് കേന്ദ്ര മാനവ വിഭവശേഷി മന്ത്രി മുരളി മനോഹര് ജോഷി മാര്ച്ച് 15 ശനിയാഴ്ച വാര്ത്താ സമ്മേളനത്തില് പറഞ്ഞു.
സ്വാശ്രയകോളജുകളില് 100 ശതമാനം മാനേജ്മെന്റ് ക്വാട്ടയാക്കണമെന്ന മാനേജ്മെന്റുകളുടെ വാദം അംഗീകരിക്കാനാവില്ല. ന്യൂനപക്ഷ വിദ്യാഭ്യാസ സ്ഥാപനങ്ങളിലെ പ്രവേശനം സംബന്ധിച്ച സുപ്രിം കോടതി വിധി സംസ്ഥാനങ്ങള് പല തരത്തിലാണ് വ്യാഖ്യാനിക്കുന്നത്.
ഇതുസംബന്ധിച്ച് കേന്ദ്രസര്ക്കാര് നിയോഗിച്ച സമിതി പഠനം നടത്തുന്നുണ്ട്. സമിതിയുടെ റിപ്പോര്ട്ട് ലഭിച്ചതിന് ശേഷം പ്രവേശനം സംബന്ധിച്ച് മാനദണ്ഡം കൊണ്ടുവരും.
ആദിവാസികള്ക്ക് കാട്ടില് തന്നെ ഭൂമി ലഭിക്കാനുള്ള അവകാശമുണ്ട്. അവരുടെ അവകാശങ്ങള് സാധിച്ചുകൊടുക്കാന് സംസ്ഥാന സര്ക്കാര് തയ്യാറാവണം.
മുത്തങ്ങ സംഭവം പരിഷ്കൃത സമൂഹത്തിന് നാണക്കേടാണ്. ആവശ്യമെങ്കില് ഇതുസംബന്ധിച്ച് ജുഡീഷ്യല് അന്വേഷണം നടത്തണം.
മാര്ക്സിസ്റ് മുരട്ടുവാദമാണ് കേരളത്തിന്റെ വികസനത്തിന് തടസം നില്ക്കുന്നതെന്ന് മുരളി മനോഹര് ജോഷി പറഞ്ഞു.