ഭോപാല്‍ ദുരന്തം: ഹര്‍ജി തള്ളി

ദില്ലി: ഭോപാല്‍ വാതക ദുരന്തത്തെ തുടര്‍ന്ന് ദുരിതമനുഭവിക്കുന്നവര്‍ക്കായി ന്യൂയോര്‍ക്ക് ഫെഡറല്‍ ജില്ലാ കോടതിയില്‍ സമര്‍പ്പിച്ച ഹര്‍ജി തള്ളി.

യൂണിയന്‍ കാര്‍ബൈഡ് കമ്പനിയ്ക്കും കമ്പനി സി ഇ ഒ വാരന്‍ ആന്‍ഡേഴ്സണുമെതിരെയാണ് ഹര്‍ജി സമര്‍പ്പിച്ചത്. ദുരന്തത്തിന് ഇരയായവര്‍ക്ക് നഷ്ടപരിഹാരം നല്‍കണമെന്ന് ആവശ്യപ്പെട്ടായിരുന്നു ഹര്‍ജി.

ഹര്‍ജി തള്ളിയ ജഡ്ജ് ജോണ്‍ എഫ് കീനന്‍ കമ്പനി പ്ലാന്റിലെ എല്ലാ ഓഹരികളും വിറ്റിട്ടുണ്ടെന്നും ഈ പണം ഉപയോഗിച്ച് ഭോപാലില്‍ ആശുപത്രി പണിതിട്ടുണ്ടെന്നും ചൂണ്ടിക്കാട്ടി.