ഗുരുവായൂരില്‍ നിന്ന് 52 ലക്ഷം പിടിച്ചു

ഗുരുവായൂര്‍: ക്ഷേത്രനഗരമായ ഗുരുവായൂരില്‍ നിന്ന് പൊലീസ് 52 ലക്ഷം രൂപയുടെ കുഴല്‍പ്പണം പിടിച്ചു. ഒരു കാറില്‍ നിന്നാണ് മാര്‍ച്ച് 21 വെള്ളിയാഴ്ച പണം പിടിച്ചത്.

കാറിലുണ്ടായിരുന്ന നാലു പേരെയും പിടികൂടിയിട്ടുണ്ട്. തമിഴ്നാട്ടിലെ പൊള്ളാച്ചിയില്‍ നിന്ന് വരികയായിരുന്നു കാര്‍.

ചാവക്കാട് ലക്ഷ്യമാക്കി നീങ്ങുകയായിരുന്നു ഈ കാറെന്നും അതിനിടയില്‍ വിവരം ലഭിച്ചതിനെ തുടര്‍ന്ന് പൊലീസ് ഗുരുവായൂരില്‍ വച്ച് പിടികൂടുകായിരുന്നു. ചാവക്കാട് വിതരണം ചെയ്യാനുള്ളതായിരുന്നു ഈ പണമെന്ന് കരുതുന്നു.