പ്രക്ഷോഭം ശക്തിപ്പെടുത്തുമെന്ന് പിണറായി
കണ്ണൂര്: എല് ഡി എഫ് മാര്ച്ചില് പങ്കെടുത്തവരെ ക്രൂരമായ മര്ദ്ദിച്ച പൊലീസ് നയം നടപ്പാക്കുന്ന ഐക്യമുന്നണി യു ഡി എഫ് സര്ക്കാരിനെതിരായ പ്രക്ഷോഭം അടുത്ത ദിവസങ്ങളില് ശക്തിപ്പെടുത്തുമെന്ന് സി പി എം സംസ്ഥാന സെക്രട്ടറി പിണറായി വിജയന് പറഞ്ഞു.
ഐക്യമുന്നണി സര്ക്കാര് ജനങ്ങളെ അടിച്ചൊതുക്കുന്ന മനുഷ്യത്വമില്ലാത്ത ഒരു കൂട്ടം പേരുടെ സംഘമായി പൊലീസിനെ മാറ്റിയിരിക്കുയാണ്. കണ്ണൂരില് മാര്ച്ച് 22 ശനിയാഴ്ച വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
മുത്തങ്ങ സംഭവത്തെ കുറിച്ച് സംസ്ഥാന സര്ക്കാര് സമര്പ്പിച്ച റിപ്പോര്ട്ട് ദേശീയ മനുഷ്യാവകാശ കമ്മിഷന് തള്ളിയതോടെ എ. കെ. ആന്റണിക്ക് മുഖ്യമന്ത്രി കസേരയില് തുടരാനുള്ള ധാര്മികാവകാശം നഷ്ടമായിരിക്കുന്നു.
ഭൂമിക്കു വേണ്ടിയുള്ള സമരം ആദിവാസി ക്ഷേമ സമിതി തുടരും. സി. കെ. ജാനുവിന്റെ നേതൃത്വത്തിലുള്ള ആദിവാസി ഗോത്ര മഹാസഭ യു ഡി എഫിന്റെ ചട്ടുകം മാത്രമാണ്- പിണറായി പറഞ്ഞു.