മഴവെള്ളം ശേഖരിക്കാന് പദ്ധതി
തിരുവനന്തപുരം: സംസ്ഥാനത്ത് വെള്ളത്തിന്റെ ലഭ്യത കുറഞ്ഞുവരവെ മഴവെളളം ശേഖരിച്ച് പ്രശ്നം പരിഹരിക്കാനുള്ള ഒരു പദ്ധതി സര്ക്കാര് വിപുലമാക്കാനൊരുങ്ങുന്നു.
കെട്ടിടങ്ങളുടെ മേല്ക്കൂരക്ക് മുകളില് നിന്നും മഴവെള്ളം ശേഖരിക്കുന്ന രീതിയാണിത്. വെള്ളത്തിന്റെ ദൗര്ലഭ്യം കൂടുതലായി അനുഭവപ്പെടുന്ന പ്രദേശങ്ങളിലായിരിക്കും ഈ സംവിധാനം നടപ്പിലാക്കുക.
മഴവെള്ളം ശേഖരിക്കുന്ന വര്ഷ പദ്ധതി 2002ല് വാട്ടര് അതോറിറ്റി നടപ്പിലാക്കിയിരുന്നു. ഇതനുസരിച്ച് വൈപ്പിന്, കുട്ടനാട്, വിഴിഞ്ഞം തുടങ്ങിയ സ്ഥലങ്ങളില് 250 ഓളം മഴവെള്ള ശേഖരണ യൂണിറ്റുകള് സ്ഥാപിച്ചിരുന്നു.
അഞ്ച് കുടുംബങ്ങള്ക്ക് ഒന്നിച്ച് ടെറസുകളില് നിന്ന് മഴവെള്ളം ശേഖരിക്കാം. ഇത് പിന്നീട് 25,000 ലിറ്റര് ശേഷിയുള്ള വലിയ ടാങ്കിലേക്ക് മാറ്റും.
വെള്ളം കിട്ടത്താതിന്റെ പ്രശ്നം കൂടുതലായ അനുഭവപ്പെടുന്ന തീരപ്രദേശങ്ങള് പോലുള്ള സ്ഥലങ്ങളിലാണ് ഈ സംവിധാനം പ്രധാനമായും കൊണ്ടുവരിക.
വീടുകളുടെ മേല്ക്കൂരക്ക് മുകളില് നിന്ന് മഴവെള്ളം ശേഖരിക്കുന്നതിന് ഗ്രാമപഞ്ചായത്ത് തലത്തില് ബോധവത്കരണ പരിപാടി നടത്തുമെന്ന് കേരള വാട്ടര് അതോറിറ്റി മാനേജിംഗ് ഡയറക്ടര് കെ. കെ. രാമാനുജം പറഞ്ഞു.