വിശാല ഹിന്ദുമുന്നണി സമ്മേളനം ജയലളിത ഉല്ഘാടനം ചെയ്യും
കോട്ടയം: കോട്ടയത്ത് 2003 മേയ് പത്തിന് നടക്കുന്ന വിശാല ഹിന്ദു സഹകരണ മുന്നണി സമ്മേളനം തമിഴ്നാട് മുഖ്യമന്ത്രി ജയലളിത ഉല്ഘാടനം ചെയ്യും. എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളി നടേശനാണ് ഇത് അറിയിച്ചത്.
മുന്നണിയുടെ രൂപീകരണം പൂര്ണ്ണമായിട്ടില്ല. സംഘടിത മത സംഘങ്ങല് അധികാരസ്ഥാനങ്ങളില് നേട്ടങ്ങള്ക്കായി നടത്തുന്ന സമ്മര്ദ്ദത്തെ ചെറുക്കുകയാണ് ഈ മുന്നണിയുടെ ഉദ്ദേശം. മതം മാറ്റത്തിനെതിരേയും മുന്നണി ശക്തമായ പ്രചാരണ പരിപാടികള് നടത്തും.
ഹിന്ദു സംഘടനകളുടെ ഒരു ഏകോപിച്ചുള്ള പ്രവര്ത്തനമാണ് മുന്നണിയുടെ പ്രധാന ഉദ്ദശേം. മതം മാറ്റത്തിനെതിരെ ആദ്യമായി നിയമം കൊണ്ടുവന്ന മുഖ്യമന്ത്രിയായതുകൊണ്ടാണ് മുന്നണിയുടെ സമ്മേളനം ഉല്ഘാടനം ചെയ്യാന് ജയലളിതയെ ക്ഷണിച്ചത്.
നായര് സര്വീസ് സൊസൈറ്റി ജനറല് സെക്രട്ടറി പി കെ നാരായണപണിയ്ക്കര് ഈ മുന്നണിയില് അംഗമാവാന് വിസമ്മതിച്ചതായും വെള്ളാപ്പള്ളി നടേശന് പറഞ്ഞു. എന്നാല് പല എന് എസ് എസ് കരയോഗ പ്രവര്ത്തകരും ഈ മുന്നണിയുമായി യോജിച്ച് പ്രവര്ത്തിയ്ക്കുന്നുണ്ട്.