കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സര്‍ക്കാരിനെതിരെ വീണ്ടും കരുണാകരന്‍

  • By Staff
Google Oneindia Malayalam News

തിരുവനന്തപുരം: മുത്തങ്ങ സംഭവത്തില്‍ സിബിഐയെക്കൊണ്ട് കേസന്വേഷിപ്പിക്കുന്നതില്‍ സംസ്ഥാന സര്‍ക്കാരിന് ആത്മാര്‍ത്ഥതയില്ലെന്ന് കരുണാകരന്‍.

ഇതുവരെ സിബിഐ അന്വേഷണം നടത്തണമെന്നാവശ്യപ്പെട്ട് സംസ്ഥാനസര്‍ക്കാര്‍ കേന്ദ്രത്തെ സമീപിച്ചിട്ടില്ലെന്നും കരുണാകരന്‍ പറഞ്ഞു. മാത്രമല്ല, മുത്തങ്ങ സംഭവത്തില്‍ സിബിഐ അന്വേഷണം നടത്താമെന്ന സംസ്ഥാന സര്‍ക്കാരിന്റെ അഭിപ്രായത്തെ കോണ്‍ഗ്രസ് ഹൈക്കമാന്റ് അംഗീകരിച്ചുവെന്ന വാര്‍ത്തയും കരുണാകരന്‍ നിഷേധിച്ചു. ഇത് പൂര്‍ണ്ണമായും ശരിയാണെന്ന് തോന്നുന്നില്ല- കരുണാകരന്‍ പറഞ്ഞു.

ഉടനെ സിബിഐ അന്വേഷണം നടത്തണമെന്നാവശ്യപ്പെട്ട് കേരളം കേന്ദ്രത്തെ സമീപിച്ചതായി നിങ്ങള്‍ക്കറിവുണ്ടോ? - കരുണാകരന്‍ വാര്‍ത്താലേഖകരോട് ചോദിച്ചു. ദില്ലിയില്‍ നിന്നും മടങ്ങിയെത്തിയ കരുണാകരന്‍ മാര്‍ച്ച് 29 ശനിയാഴ്ച വാര്‍ത്താസമ്മേളനത്തില്‍ സംസാരിക്കുകയായിരുന്നു.

സംസ്ഥാനത്തെ സംഭവങ്ങള്‍ സി ബി ഐ അന്വേഷിയ്ക്കണമെങ്കില്‍ സര്‍ക്കാര്‍ ആ ആവശ്യം രേഖാമൂലം കേന്ദ്രത്തോട് ആവശ്യപ്പെടണം. സംഭവം പഠിച്ചശേഷം കേന്ദ്ര സര്‍ക്കാറാണ് ഇതില്‍ വേണ്ട തീരുമാനം എടുക്കുന്നത്. ഇത്തരത്തില്‍ രേഖാമൂലമുളള അഭ്യര്‍ത്ഥന സംസ്ഥാന സര്‍ക്കാര്‍ നടത്തിയോയെന്നാണ് കരുണാകരന്‍ ചോദിയ്ക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X