കൊച്ചി അമൃതാനന്ദമയീ കേന്ദ്രത്തില്‍ പ്രതിഷ്ഠ നടന്നു

കൊച്ചി: എറണാകുളം ഇടപ്പള്ളിയിലെ ബ്രഹ്മസ്ഥാനത്തില്‍ മാതാ അമൃതാനന്ദമയി പ്രതിഷ്ഠ നിര്‍വഹിച്ചു. ആയിരക്കണക്കിന് അനുയായികള്‍ ചടങ്ങില്‍ പങ്കെടുത്തു.

ഒറ്റക്കല്ലില്‍ തീര്‍ത്ത ദേവി, ഗണപതി, രാഹു, ശിവ വിഗ്രഹങ്ങളാണ് അമൃതാനന്ദമയി പ്രതിഷ്ഠിച്ചത്. ഈ പ്രതിഷ്ഠാ മഹോത്സവത്തിനോടനുബന്ധിച്ച് നാല് ദിവസത്തെ യാഗവും നടക്കുന്നുണ്ട്.

ഏപ്രില്‍ ഒന്നിനാണ് അമൃതാനന്ദമയി പ്രതിഷ്ഠാ ചടങ്ങുകള്‍ക്കായി കൊച്ചിയില്‍ എത്തിയത്. പൂര്‍ണ്ണകുംഭത്തോടെയാണ് അമ്മയെ ഭക്തര്‍ സ്വീകരിച്ചത്.

അടുത്തവര്‍ഷം മുതല്‍ എല്ലാ വര്‍ഷവും ഈ ദിവസം പ്രതിഷ്ഠാ ദിന ആഘോഷങ്ങള്‍ ഇവിടെ നടക്കും.