കാര്യങ്ങൾ അതിവേഗം അറിയാൻ
For Daily Alerts
സിറിയയ്ക്കെതിരെ ഉപരോധത്തിന് യുഎസ് നീക്കം
വാഷിംഗ്ടണ്: സദ്ദാം ഹുസൈന്റെ കുടുംബാംഗങ്ങള്ക്ക് അഭയം നല്കുന്ന സിറിയയ്ക്കെതിരെ ഉപരോധം ഏര്പ്പെടുത്തിയേക്കുമെന്ന് യുഎസ് വിദേശകാര്യസെക്രട്ടറി കോളിന് പവല്. എന്നാല് ഇതിന്റെ വിശദാംശങ്ങള് അദ്ദേഹം വെളിപ്പെടുത്തിയില്ല.
സിറിയ തീവ്രവാദത്തെ പ്രോത്സാഹിപ്പിക്കുന്നതായും ജൈവ-രാസായുധങ്ങള് വികസിപ്പിക്കുന്നതായും വിവരം കിട്ടിയിട്ടുണ്ട്. ഇത് സിറിയയ്ക്കെതിരെ കടുത്ത നടപടിയെടുക്കാന് പ്രേരിപ്പിയ്ക്കും. - കോളിന് പവല് പറഞ്ഞു.
ലോകത്തിലെ മറ്റ് രാഷ്ട്രങ്ങളുമായി ഏത് തരം ബന്ധമാണ് പുലര്ത്തേണ്ടതെന്ന് സിറിയ ആലോചിക്കണം. ഇറാഖിലെ ജനങ്ങളെ അടിച്ചമര്ത്തിയവര്ക്ക് അഭയം നല്കിയാല് പുതിയ ഇറാഖ് തന്നെ സിറിയയ്ക്ക് മറുപടി നല്കും.- വൈറ്റ് ഹൗസ് പ്രസ് സെക്രട്ടറി ആരി ഫ്ലെയ്ഷര് പറഞ്ഞു.
സിറിയയ്ക്കെതിരെ എന്ത് നടപടികളൊക്കെ കൈക്കൊള്ളണമെന്ന കാര്യം ഉടന് തീരുമാനിയ്ക്കുമെന്നും അദ്ദേഹം പറഞ്ഞു.
Comments
Story first published: Tuesday, April 15, 2003, 23:53 [IST]