മന്ത്രിമാരെ പുറത്താക്കണം: വയലാര് രവി
തിരുവനന്തപുരം: രാജ്യസഭാ തിരഞ്ഞെടുപ്പില് വിമത സ്ഥാനാര്ഥി കോടോത്ത് ഗോവിന്ദന് നായരെ പിന്തുണച്ച മന്ത്രിമാരായ കടവൂര് ശിവദാസനെയും പി. ശങ്കരനെയും മന്ത്രിസഭയില് നിന്ന് പുറത്താക്കണമെന്ന് എ ഐ സി സി ജനറല് സെക്രട്ടറി വയലാര് രവി ആവശ്യപ്പെട്ടു.
മന്ത്രിസഭയിലുണ്ടായിരിക്കെ സര്ക്കാരിനെ അട്ടിമറിക്കാനാണ് കടവൂരും ശങ്കരനും ശ്രമിച്ചത്. സ്വന്തം നിലയില് അവര് പുറത്തുപോയില്ലെങ്കില് മുഖ്യമന്ത്രി എ. കെ. ആന്റണി അവരെ മന്ത്രിസഭയില് നിന്ന് പുറത്താക്കണം- രവി പറഞ്ഞു.
ഐ ഗ്രൂപ്പിനെതിരെ കരുണാകര വിരുദ്ധ ചേരിയുടെ നീക്കങ്ങള് കോണ്ഗ്രസില് സജീവമായതിന്റെ ഭാഗമായാണ് മന്ത്രിമാരെ പുറത്താക്കണമെന്ന് രവി ആവശ്യപ്പെട്ടത്. കരുണാകര പക്ഷത്തിനെതിരെ നടപടി സ്വീകരിക്കണമെന്നും കെ പി സി സി പ്രസിഡന്റ് സ്ഥാനത്തു നിന്ന് മുരളീധരനെ ഒഴിവാക്കണമെന്നും കേന്ദ്രനേതൃത്വത്തോട് കരുണാകര വിരുദ്ധ പക്ഷം ആവശ്യപ്പെട്ടിട്ടുണ്ട്.