മുരളിയോട് വിശദീകരണം ചോദിച്ചു
തിരുവനന്തപുരം: നയം മാറ്റിയാല് സി പി എമ്മുമായി കൂട്ടുകൂടുന്നതില് തടസമില്ലെന്ന പ്രസ്താവന സംബന്ധിച്ച് കെ പി സി സി പ്രസിഡന്റ് കെ. മുരളീധരനോട് എ ഐ സി സി ജനറല് സെക്രട്ടറി ഗുലാംനബി ആസാദ് വിശദീകരണം ആവശ്യപ്പെട്ടു.
ഹൈക്കമാന്റ് നേതാക്കളുമായി ചര്ച്ച നടത്താന് ഏപ്രില് 20 ഞായറാഴ്ച മുരളീധരന് ദില്ലിയിലേക്ക് പോവും.
തന്റെ പ്രസ്താവനയെ കേരളത്തിലെ ചില കോണ്ഗ്രസ് നേതാക്കള് വളച്ചൊടിച്ചതാണെന്ന് മുരളീധരന് പറഞ്ഞു. വികസനം തുടങ്ങിയ കാര്യങ്ങളില് നയം മാറ്റിയാല് സി പി എമ്മുമായി സഹകരിക്കാമെന്നാണ് താന് പറഞ്ഞത്. സി പി എമ്മുമായി കൂട്ടുകൂടാമെന്ന് താന് പറഞ്ഞിട്ടില്ല. ചില മാധ്യമങ്ങള് അങ്ങനെ വ്യാഖ്യാനിക്കുകയാണ് ചെയ്തത്.
കരുണാകരനും സോണിയാഗാന്ധിയും തമ്മില് നടത്തുന്ന ചര്ച്ചയിലൂടെ കേരളത്തിലെ കോണ്ഗ്രസിലെ പ്രശ്നങ്ങള് പരിഹരിക്കാനാവും. തിങ്കളാഴ്ചയോ ചൊവാഴ്ചയോ താന് സോണിയയെ കാണുമെന്ന് മുരളി പറഞ്ഞു.