കേരളത്തിലെങ്ങും മേയ്ദിന റാലികള്‍

തിരുവനന്തപുരം: കേരളത്തിലെങ്ങും തൊഴിലാളി സംഘടനകള്‍ മേയ് ദിനം ആചരിച്ചു. വിവിധ തൊഴിലാളി സംഘടനകളുടെ നേതൃത്ത്വത്തില്‍ തലസ്ഥാനത്തും ജില്ലാ കേന്ദ്രങ്ങളിലും റാലികള്‍ നടന്നു.

ഐ എന്‍ ടി യു സി മേയ് ദിന അനുസ്മരണത്തിനായി പ്രത്യേക യോഗം സംഘടിപ്പിച്ചു. വൈകീട്ടും വിവിധ സംഘടനകള്‍ മേയ് ദിന റാലികള്‍ സംഘടിപ്പിയ്ക്കുന്നുണ്ട്. സി ഐ ടി യു, എ ഐ ടി യു സി എന്നീ സംഘടനകളും മേയ് ദിന റാലികള്‍ സംഘടിപ്പിച്ചു. വിവിധ നേതാക്കള്‍ റാലികളിലും സമ്മേളനങ്ങളിലും പ്രസംഗിച്ചു.

കേരളത്തിന് പുറമേ ഇന്ത്യയുടെ വിവിധ ഭാഗങ്ങളിലും തൊഴിലാളി സംഘടനകള്‍ മേയ്ദിന റാലികള്‍ നടത്തി. ലോകമെങ്ങും മേയ് ദിനം ആചരണത്തിന്റെ ഭാഗമായി മേയ് ദിന റാലികള്‍ നടന്നു.