തമിഴ് പുലി പ്രശ്നം പരിഹരിയ്ക്കാന് നേതാക്കള് ദില്ലിയില്
കൊളെബൊ: ശ്രീലങ്കയിലെ തമിഴ് പ്രശ്നം പരിഹരിയ്ക്കാനായി മദ്ധ്യസ്ഥത നടത്തുന്ന നോര്വെയിലേയും ജപ്പാനിലേയും പ്രതിനിധികള് ഇന്ത്യയുമായി ചര്ച്ച നടത്താനായി ദില്ലിയിലെത്തുന്നു.
നോര്വേയിലെ വിദേശകാര്യ ഉപ മന്ത്രി വിദാര് ഹെല്ഗീസനും ജപ്പാനിലെ യാസുഷി അകാഷിയുമാണ് തമിഴ് പ്രശ്നം ചര്ച്ച ചെയ്യാനായി ഇന്ത്യയിലെത്തുന്നത്. ശ്രീലങ്കയിലെ സാമ്പത്തിക പരിഷ്കരണ വകുപ്പ് മന്ത്രി മിലിണ്ട മൊറാഗോഡയും ഇതേ സമയം ദില്ലിയിലെത്തും. ഇന്ത്യന് വിദേശകാര്യ മന്ത്രി യസ്വന്ത് സിന്ഹ, പധാനമന്ത്രി അതല് ബിഹാരി വാജ്പേയി, വിദേശ കാര്യ വകുപ്പിലെ ഉയര്ന്ന ഉദ്വോഗസ്ഥല് എന്നിവരുമായി ഇവര് തമിഴ് പുലി പ്രശ്നം ചര്ച്ച ചെയ്യും.
ഏപ്രില് 21 ന് ശേഷം തമിഴ് പുലികള് ശ്രീലങ്കാ സര്ക്കാരുമായി ഒത്തുതീര്പ്പ് ചര്ച്ചകള് നടത്താന് വിസമ്മതിച്ചതാണ് ഈ ചര്ച്ചകള്ക്ക് ആധാരം. പുലികളുമായി നടത്തുന്ന ഒത്തതീര്പ്പ് ചര്ച്ചകളുടെ ഓരോ വിവരവും നോര്വേ ഇന്ത്യയെ അറിയിയ്ക്കുന്നുണ്ടായിരുന്നു.
പ്രശ്നം പരിഹരിയ്ക്കാനാവുമെന്ന് കരുതുന്നതായി ശ്രീലങ്കന് അധികൃതര് വ്യക്തമാക്കി.