മാറാട്: 60 പേര്‍ അറസ്റ്റില്‍

കോഴിക്കോട്: മാറാട് സംഭവുമായി ബന്ധപ്പെട്ട് അറുപതോളം പേരെ പൊലീസ് അറസ്റു ചെയ്തു. മാറാട് ജുമാ അത്ത് പള്ളിയില്‍ നിന്നാണ് ഏറെപേരേയും അറസ്റ് ചെയ്തത്.

ഇവരില്‍ നിന്ന് ആയുധങ്ങളും കണ്ടെടുത്തു. വടിവാളുകളും നാടന്‍ ബോംബുകളുമാണ് ഇരില്‍ നിന്ന് കണ്ടെടുത്തത്. അക്രമികള്‍ പള്ളിയ്ക്കകത്ത് ആയുധങ്ങള്‍ ഒളിപ്പിച്ചിട്ടുള്ളതായി പൊലീസ് കരുതുന്നുണ്ട്.

അക്രമം നടന്നയുടന്‍ പൊലീസ് റെയ്ഡിന് ശ്രമിച്ചെങ്കിലും സ്ത്രീകളുടെ പ്രതിഷേധത്തെത്തുടര്‍ന്ന് പിന്‍മാറുകയായിരുന്നു. അക്രമത്തിനുശേഷം പുരുഷന്‍മാര്‍ ഒളിവില്‍ പോയിരിക്കുകയാണെന്നും പൊലീസ് അറിയിച്ചു. വെള്ളിയാഴ്ച രാത്രിയിലാണ് പൊലീസ് മാറാടും പരിസര പ്രദേശങ്ങളിലും റെയ്ഡിന് ശ്രമിച്ചത്.

ശനിയാഴ്ച ഉച്ചയ്ക്കും പൊലീസ് റെയ്ഡ് തുടരുകയാണ്. കൂടുതല്‍ പേര്‍ പിടിയിലാവുമെന്നാണം കരുതുന്നത്. ഇവരില്‍ മിയ്ക്ക ആളുകളും മാറാടിന് പുറത്ത് ഉള്ളവരാണ്.