മാറാട്ട് ലോഡ് ഷെഡിംഗില്ല

കോഴിക്കോട്: അക്രമത്തില്‍ ഒമ്പത് പേര്‍ മരിച്ച മാറാടിനെ ലോഡ് ഷെഡിംഗില്‍ നിന്ന് ഒഴിവാക്കി. ഒരാഴ്ചത്തേയ്ക്കാണ് ഈ ഇളവ്.

സുരക്ഷാ കാരണങ്ങളാലാണ് വൈദ്യുതി ബോര്‍ഡ് ഈ തീരുമാനം എടുത്തത്. വൈദ്യുതി വകുപ്പ് മന്ത്രി കടവൂര്‍ ശിവദാസനാണ് ഇക്കാര്യം അറിയിച്ചത്. രാത്രിയിലും മറ്റും കനത്ത സുരക്ഷാ സജ്ജീകരണങ്ങള്‍ തുടരാന്‍ വൈദ്യുതി ആവശ്യമാണ്.

ഇരുട്ടിന്റെ മറവില്‍ വീണ്ടും അക്രമം നടത്തുന്നത് ഒഴിവാക്കാന്‍ കൂടിയാണ് ഈ നീക്കം.