കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്റലിജന്‍സ്: അഴിച്ചുപണി നടന്നേയ്ക്കും

  • By Staff
Google Oneindia Malayalam News

തിരുവനന്തപുരം: മാറാട് സംഭവമുള്‍പ്പെടെ ഈയിടെ ഇന്റലിജന്‍സ് വകുപ്പ് വരുത്തിയ വീഴ്ചകള്‍ സംസ്ഥാനസര്‍ക്കാര്‍ ഗൗരവമായി കണ്ടേയ്ക്കും. ഈ പശ്ചാത്തലത്തില്‍ ഇന്റലിജന്‍സ് വകുപ്പ് അഴിച്ചുപണിയാനും സര്‍ക്കാര്‍ ആലോചിക്കുന്നതായി അറിയുന്നു.

ഇന്റലിജന്‍സ് വകുപ്പിന്റെ ഉന്നത തലത്തിലും മധ്യ തലത്തിലും മാറ്റങ്ങള്‍ വരുത്താനാണ് സര്‍ക്കാര്‍ ആലോചിക്കുന്നത്. സംസ്ഥാനത്തെ ഇന്റലിജന്‍സ് ശൃംഖല കൂടുതല്‍ കരുത്തുറ്റതാക്കാനും സര്‍ക്കാര്‍ ശ്രമിച്ചേയ്ക്കും. ഇന്റലിജന്‍സ് ഉദ്യോഗസ്ഥര്‍ക്ക് അത്യാധുനിക പരിശീലനം നല്കാനും ആലോചനയുണ്ട്.

ബുധനാഴ്ച നടന്ന മന്ത്രിസഭായോഗത്തിന് ശേഷം ആഭ്യന്തരവകുപ്പിനോടും ഡിജിപിയോടും ഇത് സംബന്ധിച്ച നിര്‍ദേശങ്ങള്‍ നല്കാന്‍ മുഖ്യമന്ത്രി ആവശ്യപ്പെട്ടിരിക്കുകയാണ്. മന്ത്രിസഭായോഗത്തില്‍ ഇന്റലിജന്‍സ് സംവിധാനത്തിനെതിരെ മന്ത്രിമാര്‍ അതിരൂക്ഷമായ വിമര്‍ശനങ്ങള്‍ ഉയര്‍ത്തി. കഴിഞ്ഞ രണ്ട് വര്‍ഷമായി കേരളത്തില്‍ ഉണ്ടായ പല വര്‍ഗ്ഗീയ കലാപങ്ങളുടെയും കാരണം കണ്ടെത്താനോ മുന്നറിയിപ്പ് നല്കാനോ ഇന്റലിജന്‍സിന് കഴിഞ്ഞിരുന്നില്ലെന്നും മന്ത്രിമാര്‍ കുറ്റപ്പെടുത്തിയിരുന്നു. ഇതിന്റെ പേരില്‍ ഡിജിപി കെ.ജെ. ജോസഫിനെയും ഇന്റലിജന്‍സ് മേധാവി രാജന്‍ മധേക്കറെയും പ്രതിസ്ഥാനത്ത് നിര്‍ത്തുകയായിരുന്നു മന്ത്രിമാര്‍.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X