കാര്യങ്ങൾ അതിവേഗം അറിയാൻ
For Daily Alerts
ജി-സാറ്റ് വിക്ഷേപണം വിജയകരം
ശ്രീഹരിക്കോട്ട: ഭൂസ്ഥിര ഉപഗ്രഹ വിക്ഷേപണവാഹനമായ ജിഎസ്എല്വിയുടെ രണ്ടാം ഘട്ടം ഇന്ത്യ വിജയകരമായി വിക്ഷേപിച്ചു. 1800 കിലോ ഭാരമുള്ള ജി. സാറ്റ്-2 പരീക്ഷണ ഉപഗ്രഹവുമായി വ്യാഴാഴ്ച വൈകീട്ട് 4.58ന് ജിഎസ്എല്വി ഡി-2 കുതിച്ചുയര്ന്നു.
ബഹിരാകാശ ഗവേഷണരംഗത്തും വാര്ത്താ വിനിമയ രംഗത്തും ഇന്ത്യയ്ക്ക് വന്കുതിച്ചുചാട്ടത്തിന് വഴിയൊരുക്കുന്നതായിരുന്നു ഈ വിക്ഷേപണം. രണ്ടു ടണ് ഭാരമുള്ള കൂറ്റന് ഉപഗ്രഹം ഭൂസ്ഥിര ഭ്രമണപഥത്തില് വിക്ഷേപിക്കാന് സ്വയം പര്യാപ്തത നേടുകയാണ് ജിഎസ്എല്വി പദ്ധതിയുടെ ലക്ഷ്യം. അടുത്ത ഘട്ടത്തോടെ ഈ ലക്ഷ്യം നേടാനാണ് ഇന്ത്യന് ബഹിരാകാശ ഗവേഷണകേന്ദ്രത്തിന്റെ ശ്രമം.
ഇന്ത്യയുടെ 35ാമത് കൃത്രിമോപഗ്രഹമാണ് ജി-സാറ്റ്- 2. 49 മീറ്റര് നീളവും 414 ടണ് ഭാരവുമുള്ള ജിഎസ്എല്വി- ഡി2 റഷ്യയുടെ ക്രയോജനിക് സാങ്കേതികവിദ്യ ഉപയോഗിച്ചാണ് സൃഷ്ടിച്ചത്.
Comments
Story first published: Friday, May 9, 2003, 5:30 [IST]