കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പലസ്തീന്‍ രാഷ്ട്രം 2005ല്‍: പവല്‍

  • By Staff
Google Oneindia Malayalam News

ജെറുസലെം: മധ്യേഷ്യയില്‍ സമാധാനം സ്ഥാപിക്കുന്നതിന്റെ ഭാഗമായി യുഎസ് വിദേശകാര്യസെക്രട്ടറി കോളിന്‍പവല്‍ തന്റെ സന്ദര്‍ശനം തുടങ്ങി. 2005ഓടെ പാലസ്തീന്‍ രാഷ്ട്രം രൂപീകരിക്കാനുള്ള സമാധാനപദ്ധതിയുമായി പലസ്തീനും ഇസ്രയേലും സഹകരിക്കണമെന്ന് പവല്‍ ആവശ്യപ്പെട്ടു.

2005ഓടെ പലസ്തീനെയും ഇസ്രയേലിനെയും സമാധാനത്തോടെ തോളുരുമ്മി ജീവിക്കാനുള്ള സമാധാനപദ്ധതിയാണ് യുഎസിന്റെ നേതൃത്വത്തില്‍ തയ്യാറാക്കിയിരിക്കുന്നത്. റഷ്യ, യൂറോപ്യന്‍ യൂണിയന്‍, ഐക്യരാഷ്ട്രസഭ എന്നിവരും ഈ സമാധാന പദ്ധതി തയ്യാറാക്കിയവരില്‍ അംഗങ്ങളാണ്. ഇതിന്റെ ഭാഗമായി പവല്‍ ഇസ്രയേല്‍ വിദേശകാര്യമന്ത്രി സില്‍വന്‍ ഷാലോമുമായി കൂടിക്കാഴ്ച നടത്തി.

കരാറിന്റെ വിശദാംശങ്ങള്‍ തയ്യാറാക്കിയിട്ടില്ലെങ്കിലും ചര്‍ച്ച തുടങ്ങാന്‍ മതിയായ കാര്യങ്ങളെല്ലാം കരാറിലുണ്ടെന്ന് പവല്‍ പറഞ്ഞു. സമാധനത്തിന് പലസ്തീന്‍ തയ്യാറെടുത്തുകഴിഞ്ഞു. ഇസ്രയേലും സമാധാനത്തിന്റെ പാതയില്‍ മുന്നോട്ട് വരണം. - പവല്‍ പറഞ്ഞു.

പലസ്തീന്‍ അക്രമം നിര്‍ത്തുകയും ഇസ്രയേല്‍ സേന പലസ്തീന്‍ പ്രദേശങ്ങളില്‍ നിന്നും പിന്‍മാറുകയും ചെയ്യുന്ന പ്രക്രിയയില്‍ തുടങ്ങി 2005ഓടെ പലസ്തീന്‍രാഷ്ട്രം രൂപീകരിക്കുകയും ഇരുരാഷ്ട്രങ്ങളും സമാധാനത്തോടെ സഹവര്‍ത്തിക്കുകയും ചെയ്യുന്നതില്‍ അവസാനിക്കുന്ന ഒരു സമാധാന പദ്ധതിയ്ക്കാണ് ഇപ്പോള്‍ രൂപം നല്കിയിരിക്കുന്നത്.

ഇപ്പോള്‍ അക്രമം അവസാനിപ്പിക്കണം. ഇപ്പോള്‍ തീവ്രവാദവും അവസാനിപ്പിക്കേണ്ടത് അത്യാവശ്യമാണ്. പലസ്തീനിലെ ജനങ്ങള്‍ക്ക് ജീവിതം കുറെക്കൂടി മെച്ചപ്പെടുത്താന്‍ ഉതകുന്ന ചില നടപടികള്‍ എടുക്കേണ്ടതുണ്ട്. - പവല്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X