രാജഗോപാലിന്റെ ആരോപണം ഗുരുതരം: കരുണാകരന്‍

തിരുവനന്തപുരം: മാറാട് സംഭവത്തിന് പിന്നില്‍ സംസ്ഥാനത്തെ ഒരു മന്ത്രി ഉണ്ടെന്ന കേന്ദ്ര മന്ത്രി ഒ. രാജഗോപാലിന്റെ ആരോപണം ഗുരുതരമായ ഒന്നാണെന്ന് കോണ്‍ഗ്രസ് നേതാവ് കെ. കരുണാകരന്‍ അഭിപ്രായപ്പെട്ടു.

ഈ ആരോപണത്തെക്കുറിച്ച് അഭിപ്രായം പറയാന്‍ താന്‍ ഉദ്ദേശിയ്ക്കുന്നില്ലെന്നും കരുണാകരന്‍ പറഞ്ഞു. സംഭവസ്ഥലം സന്ദര്‍ശിച്ച കേന്ദ്ര മന്ത്രി നടത്തിയ ആരോപണം നിസാരമായി കാണാനാവില്ല. ഇതില്‍ ആവശ്യമായ നടപടി സ്വീകരിയ്ക്കുകയാണ് വേണ്ടത്. ഇത് ചെയ്യേണ്ടത് മുഖ്യമന്ത്രി എ. കെ. ആന്റണിയാണ്. കരുണാകരന്‍ പറഞ്ഞു.