മുസ്ലിം ലീഗ് യോഗം മാറ്റി
കോഴിക്കോട്: മുസ്ലിം ലീഗ് ജനറല് സെക്രട്ടറി കൊരമ്പയില് അഹമ്മദ് ഹാജി മരിച്ചതിനെ തുടര്ന്ന് മേയ് 12 തിങ്കളാഴ്ച നടക്കേണ്ട മുസ്ലിം ലീഗ് സംസ്ഥാന സെക്രട്ടേറിയറ്റ് യോഗം മാറ്റിവച്ചു.
മാറാട് സംഭവത്തില് ഒരു മുസ്ലിം ലീഗ് മന്ത്രിയ്ക്ക് പങ്കുണ്ടെന്ന ആരോപണത്തെക്കുറിച്ച് ചര്ച്ച ചെയ്യാനാണ് പ്രധാനമായും തിങ്കളാഴ്ചത്തെ യോഗം വിളിച്ച് ചേര്ത്തിരുന്നത്. ഇതിനൊപ്പം തീവ്രവാദത്തിനും വര്ഗ്ഗീയതയ്ക്കെതിരേയും മുസ്ലീം ലീഗിന്റെ ആഭിമുഖ്യത്തില് പ്രചാരണ പരിപാടി സംഘടിപ്പിയ്ക്കുന്നതിനെക്കുറിച്ച് ആലോചിയ്ക്കുന്നതും യോഗത്തിന്റെ വിഷയമായിരുന്നു.
പല രാഷ്ട്രീയ കക്ഷികളും മാറാട് കൂട്ടക്കൊലയില് മുസ്ലിം ലീഗ് മന്ത്രിയായ പി. കെ. കുഞ്ഞാലിക്കുട്ടിയ്ക്ക് പങ്കുണ്ടെന്ന് ആരോപിച്ചിരുന്നു. ഇതിന് പുറമേ കേന്ദ്ര പ്രതിരോധ വകുപ്പ് സഹമന്ത്രി ഒ. രാജഗോപാല് മേയ് 11 ഞായറാഴ്ച മാറാട് സന്ദര്ശിച്ചതിന് ശേഷവും ഇത് സൂചിപ്പിച്ചിരുന്നു. മുസ്ലിം ലീഗിലെ ഒരു മന്ത്രിയ്ക്കെതിരേ മാത്രം എന്താണ് ഇങ്ങനെ ഒരു ആരോപണം ഉണ്ടായതെന്നും അദ്ദേഹം ചോദിച്ചിരുന്നു. മാത്രമല്ല മാറാട് കടലോര ഭാഗത്ത് കോസ്റ് ഗാര്ഡിന്റെ ഒരു സ്റേഷന് സ്ഥാപിയ്ക്കാനായി സ്ഥലം കേന്ദ്ര സര്ക്കാര് ചോദിച്ചത് വ്യവസായ വകുപ്പ് ഉന്നയിച്ച തടസം കാരണം മുടങ്ങിയിരിയ്ക്കുകയാണെന്നും രാജഗോപാല് ആരോപിച്ചിരുന്നു.