എസ്എസ്എല്‍സി ഫലം ഫോണില്‍

തിരുവനന്തപുരം: എസ്എസ്എല്‍സി പരീക്ഷാഫലം ടെലിഫോണ്‍ വഴി അറിയാനുള്ള സംവിധാനം സര്‍ക്കാര്‍ ഒരുക്കുന്നു. ബിഎസ്എന്‍എല്‍ വഴിയും എസ്കോട്ടെല്‍ മൊബൈല്‍ സര്‍വീസ് വഴിയും ഇക്കുറി എസ്എസ്എല്‍സി ഫലം അറിയാം.

ഇതിനായി 90 ലൈനുകളാണ് ബിഎസ്എന്‍എല്‍ ഒരുക്കുന്നത്. എസ്എസ്എല്‍സി ഫലം അറിയിക്കാന്‍ ഇന്ററാക്ടീവ് വോയ്സ് റെസ്പോണ്‍സ് (ഐവിആര്‍) സംവിധാനമാണ് ഉപയോഗിയ്ക്കുകയെന്നും ഇതിനുള്ള ഒരുക്കങ്ങള്‍ പൂര്‍ത്തിയായെന്നും ബിഎസ്എന്‍എല്‍ ചീഫ് ജനറല്‍ മാനേജര്‍ കെ. ശ്രീകണ്ഠന്‍ നായര്‍ പറഞ്ഞു.

ബിഎസ്എന്‍എല്‍ നല്കുന്ന ടെലിഫോണ്‍ നമ്പറുകളില്‍ വിളിച്ച് പരീക്ഷാ രജിസ്റര്‍ നമ്പര്‍ പറഞ്ഞുകൊടുത്താല്‍ മതി. വിദ്യാര്‍ത്ഥിയുടെ കൃത്യമായ മാര്‍ക്ക് ടെലിഫോണ്‍ സ്വയം പറഞ്ഞുകൊടുക്കും. എസ്കോട്ടെല്‍ എസ്എംഎസ് വഴിയാണ് എസ്എസ്എല്‍സി ഫലം നല്കുക. വിദ്യാഭ്യാസവകുപ്പും എസ്കോട്ടെലും ഇത് സംബന്ധിച്ച് ധാരണയായി.

ബിഎസ്എന്‍എല്ലിന്റെയും എസ്കോട്ടെല്ലിന്റെയും നമ്പറുകള്‍ മെയ് 13 ചൊവാഴ്ച വൈകുന്നേരം അറിയിയ്ക്കും.

ഫലമറിയാന്‍ വെബ്സൈറ്റുകളും

എസ്എസ്എല്‍സി, വിഎച്ച്എസ്സി, പ്ലസ് ടു പരീക്ഷകളുടെ ഫലം തത്സമയം ആറ് വെബ്സൈറ്റുകള്‍ വഴി അറിയിക്കാന്‍ സംസ്ഥാന സര്‍ക്കാര്‍ സംവിധാനമൊരുക്കിയിട്ടുണ്ട്. ആറ് വെബ്സൈറ്റുകള്‍ താഴെ:

ഒന്ന് (www. keralaeducation.org)

രണ്ട് (www.keralagov.in)

മൂന്ന് ()

നാല് (www.kudumbasree.org)

അഞ്ച് (www.kerala.nic.in)

ആറ് ()