കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാറാട്: കൊല്ലന്‍ ആറ് മാസം വിറ്റത് 75 വാള്‍

  • By Staff
Google Oneindia Malayalam News

കോഴിക്കോട്: മാറാട്ട് വാളും മറ്റും നിര്‍മ്മിച്ച് നല്‍കിയ കൊല്ലന്‍ മലബാറിലെങ്ങും ആയുധങ്ങള്‍ നല്‍കിയിട്ടുള്ളതായി ക്രൈം ബ്രാഞ്ച് കണ്ടെത്തി. കഴിഞ്ഞ ആറ് മാസത്തിനുള്ളില്‍ 75 വാളുകളാണ് ഈയാള്‍ ഉണ്ടാക്കിയത്. 25 വാളുകള്‍ വീതം മൂന്ന് തവണയായാണ് ഇത് ആവശ്യക്കാര്‍ക്ക് നല്‍കിയത്.

പള്ളിക്കണ്ടി ഭാഗത്താണ് യൂസഫ് ആല നടത്തിയിരുന്നത്. കഴിഞ്ഞ കുറേക്കാലമായി ഇത് ആയുധ നില്‍മ്മാണ ശാല ആയിരുന്നു.

എന്തിനാണ് ഇത്രയും അധികം വാളുകള്‍ ഉണ്ടാക്കുന്നതെന്ന് ഈയാള്‍ക്കും അറിവുണ്ടായിരുന്നതായാണ് പൊലീസ് കരുതുന്നത്. കഴിഞ്ഞ വര്‍ഷം ജനവരിയില്‍ മാറാട്ട് നിന്ന് പിടിച്ച വാളുകളും ഇപ്പോള്‍ പിടിച്ച വാളുകളും സാമ്യം ഉള്ളതാണ്.

പ്രധാന പ്രതികള്‍ക് കൊല്ലന്‍ യുസഫുമായി നേരിട്ട് ബന്ധമുള്ളതായി പൊലീസ് കരുതുന്നില്ല. ഹനീഫ എന്നയാളാണ് യൂസഫിനെക്കൊണ്ട് വാളുകള്‍ ഉണ്ടാക്കി ആവശ്യക്കാര്‍ക്ക് നല്‍കിയത്. ഈയാളും അറസ്റിലായിട്ടുണ്ട്. കഴിഞ്ഞ കുറേക്കാലമായി ആയുധ നിര്‍മ്മാണമായിരുന്നു യൂസഫിന്റെ പ്രധാന വരുമാനം. സാധാരണ പണി ആയുധങ്ങള്‍ ഉണ്ടാക്കുമ്പോള്‍ കിട്ടുന്നതിനേക്കാള്‍ കൂടുതല്‍ പണവും ഇത് ഉണ്ടാക്കി കൊടുക്കുമ്പോള്‍ കിട്ടിയിരുന്നു. ആര്‍ക്കൊക്കെ ഇതുവരെ വാള്‍ ഉണ്ടാക്കി നല്‍കിയിട്ടുണ്ടെന്ന് പൊലീസിനോട് യൂസഫ് വെളിപ്പെടുത്തിയിട്ടുണ്ട്.

ഈയാളെക്കൊണ്ട് ആയുധം ഉണ്ടാക്കിച്ചവരൊക്കെ വൈകാതെ പൊലീസ് പിടിയിലാവുമെന്നാണ് കരുതുന്നത്. യൂസഫ് ഈയിടെയാണ് മുസ്ലിം മതം സ്വീകരിച്ചത്. വാളിന്റെ മാതൃക വരച്ച് നല്‍കിയാല്‍ ആദ്യം ഈയാള്‍ കാര്‍ഡ് ബോര്‍ഡില്‍ വാള്‍ ഉണ്ടാക്കി കാണിയ്ക്കും. പിന്നീടാണ് ഉരുക്കുകൊണ്ട് വാള്‍ ഉണ്ടാക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X