ഹ്യുമാനിറ്റീസില്‍ അര്‍പ്പിത, ടെക്നിക്കലില്‍ ലെസ്ലി

തിരുവനന്തപുരം: പ്ലസ് ടു പരീക്ഷയില്‍ ഹ്യുമാനിറ്റീസില്‍ പി.പി. അര്‍പ്പിത ഒന്നാം റാങ്ക് നേടിയപ്പോള്‍ ടെക്നിക്കല്‍ ഗ്രൂപ്പില്‍ ലെസ്ലി മാത്യു ഒന്നാം റാങ്ക് സ്വന്തമാക്കി.

തിരുവനന്തപുരം ഗവണ്‍മെന്റ് കോട്ടണ്‍ഹില്‍ എച്ച്എസ്എസ് വിദ്യാര്‍ത്ഥിനിയാണ് പി.പി. അര്‍പ്പിത. 560 മാര്‍ക്കോടെയാണ് അര്‍പ്പിത ഒന്നാം റാങ്കിലേക്ക് നടന്നുകയറിയത്. ഹ്യുമാനിറ്റീസില്‍ ഒ.ജി. ഭുവന (സെന്റ് അഗസ്റിന്‍സ് ജിഎച്ച്എസ്എസ് മൂവാറ്റുപുഴ) രണ്ടാം റാങ്ക് നേടി. ഭുവനയ്ക്ക് 552 മാര്‍ക്കുണ്ട്. 541 മാര്‍ക്കോടെ കോട്ടയം മൗണ്ട് കാര്‍മല്‍ എച്ച്എസ്എസിലെ സാറാ ജോയി മൂന്നാം റാങ്ക് നേടി.

ടെക്നിക്കല്‍ ഗ്രൂപ്പില്‍ ഒന്നാം റാങ്ക് നേടിയ ലെസ്ലി മാത്യ കലൂര്‍ മോഡല്‍ ടിഎച്ച്എസ് വിദ്യാര്‍ത്ഥിനിയാണ്. 569 മാര്‍ക്കോടെയാണ് ലെസ്ലി ഒന്നാം റാങ്ക് നേടിയത്. കലൂര്‍ മോഡല്‍ ടിഎച്ച്എസില്‍ നിന്നു തന്നെയാണ് രണ്ടും മൂന്നും റാങ്കുകാര്‍. 567 മാര്‍ക്കോടെ ജോര്‍ജ്ജ് ആന്റണി രണ്ടാം റാങ്കും 565 മാര്‍ക്കോടെ മിലി ആന്റണി മൂന്നാം റാങ്കും നേടി.