മാറാട്: കൂടുതല്‍ പ്രതികള്‍ അറസ്റിലാവും

കോഴിക്കോട്: മാറാട് കൂട്ടക്കൊലക്കേസില്‍ കൂടുതല്‍ പ്രതികള്‍ വരും ദിവസങ്ങളില്‍ അറസ്റിലാവുമെന്ന് ഉറപ്പായി. ഏഴ് പ്രതികളെ പൊലീസ് കണ്ടെത്തിക്കഴിഞ്ഞു. ഇവര്‍ പൊലീസിന്റെ കസ്റഡിയിലുണ്ടെന്നും ആ വാര്‍ത്ത പൊലീസ് പുറത്ത് വിടാത്തതാണെന്നുമാണ് അറിയുന്നത്.

മാറാട് സംഭവത്തെക്കുറിച്ച് അന്വേഷിയ്ക്കുന്ന ക്രൈം ബ്രാഞ്ച് ഐ ജി മഹേഷ് കുമാര്‍ സിഗ്ല കോഴിക്കോട്ട് ഇല്ലാത്തതുകൊണ്ടാണ് പൊലീസ് അറസ്റ് രജിസ്റര്‍ ചെയ്യാത്തതെന്നാണ് അറിയുന്നത്. തിരുവനന്തപുരത്തുള്ള ഐ ജി രണ്ട് ദിവസത്തിനുള്ളില്‍ കോഴിക്കോട്ട് എത്തും. തുടര്‍ന്നായിരിയ്ക്കും അറസ്റ്.

അറസ്റിലായ വരെ ചോദ്യം ചെയ്തപ്പോഴാണത്രെ കൂടുതല്‍ പേരെക്കുറിച്ച് വിവരം കിട്ടിയത്. ഈ പ്രതികള്‍ കോടതിയില്‍ സ്വയം ഹാജരായേയ്ക്കുമെന്ന് അറസ്റിലായവര്‍ സൂചിപ്പിച്ചിരുന്നു. ഇവരുടെ ഒളിത്താവളങ്ങളും പൊലീസ് കണ്ടെത്തിയിട്ടുണ്ട്.

രാഷ്ട്രീയ സമ്മര്‍ദ്ദമുള്ളതുകൊണ്ട് അതിവേഗം അന്വേഷണം പുരോഗമിയ്ക്കുകയാണ്. എന്നാല്‍ അന്വേഷണം പൂര്‍ത്തിയായ ശേഷം ഈ കേസിനും മറ്റ് കേസുകളുടെ ഗതി വരുമോഎന്ന് കാത്തിരുന്ന് കാണേണ്ടിയിരിയ്ക്കുന്നു.

30 ദിവസത്തിനുള്ളില്‍ കേസ് അന്വേഷണം പൂര്‍ത്തിയാക്കുമെന്നാണ് ആന്റണി പറയുന്നത്. അതുകൊണ്ടാണ് ഇപ്പോള്‍ കേസന്വേഷണം ഊര്‍ജ്ജിതമായി നടക്കുന്നത്.