പുതിയ നിരക്കുമായി എസ്കോട്ടെല്‍

കൊച്ചി: എസ്കോട്ടെല്‍ കേരളത്തില്‍ നിരക്കില്‍ ഇളവ് വരുത്തി. ടെലികോം വകുപ്പിന്റെ ഫോണിലൂടെ പോകുന്ന കാളിന് ഈടാക്കിയിരുന്ന എയര്‍ ടൈം നിരക്ക് പാടെ ഇല്ലാതാവുകയാണ്. പുതിയ നിരക്ക് എസ്കോട്ടെല്‍ ഉപഭോക്താക്കള്‍ക്ക് ഒട്ടേറെ സൗജന്യങ്ങള്‍ വാഗ്ദാനം ചെയ്യുന്നതായി എസ്കോട്ടെല്‍ കേരളയുടെ ചീഫ് ഓപ്പറേറ്റിംഗ് ഓഫീസര്‍ വി.ജി. സോമശേഖര്‍ പറഞ്ഞു.

ഇനി മുതല്‍ എസ്കോട്ടെലില്‍ നിന്നും വിളിക്കുന്നവര്‍ക്ക് ടെലികോം വകുപ്പ് ഈടാക്കിയിരുന്ന എയര്‍ ടൈം ചാര്‍ജ്ജ് നല്കേണ്ടിവില്ല. പകരം വിളിയ്ക്കുന്ന സമയത്തിനുള്ള തുക മാത്രം നല്കിയാല്‍ മതിയാകും. പള്‍സ് നിരക്ക് ഒരു മിനിറ്റില്‍ നിന്നും 30 സെക്കന്റായി കുറച്ചിട്ടുണ്ട്.

ഈ മാറ്റം പ്രീപെയ്ഡ് വരിക്കാര്‍ക്ക് 66 ശതമാനവും പോസ്റ് പെയ്ഡ് വരിക്കാര്‍ക്ക് 80 ശതമാനം ലാഭമുണ്ടാക്കുമെന്ന് കരുതുന്നു. ഇനി മുതല്‍ പ്രീപെയ്ഡ്വരിക്കാരന് കേരളത്തില്‍ ഏത് ഫോണിലേക്ക് വിളിക്കാനും 30 സെക്കന്റിന് 1.20 രൂപയും രാജ്യത്ത് എവിടെ വിളിക്കാനും 30 സെക്കന്റിന് 1.80 രൂപയും നല്കിയാല്‍ മതി. ഇന്ത്യയ്ക്ക് പുറത്തേക്ക് വിളിക്കാന്‍ 30 സെക്കന്റിന് ഒമ്പത് രൂപ നല്കണം.