കാലവര്‍ഷം ജൂണ്‍ ഒന്നിന് തന്നെ

തിരുവനന്തപുരം: തെക്ക് പടിഞ്ഞാറന്‍ കാലവര്‍ഷം ജൂണ്‍ ഒന്നിന് കേരളത്തിലെത്തുമെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കി.

ദില്ലിയിലെ കാലാവസ്ഥാ നിരീക്ഷണ കേന്ദ്രം കാലവര്‍ഷം കേരളത്തില്‍ മേയ് അവസാന വാരം എത്തുമെന്നാണ് നേരത്ത പറഞ്ഞിരുന്നത്. ബംഗാള്‍ ഉള്‍ക്കടലില്‍ മഴമേഘങ്ങള്‍ എത്തിയെങ്കിലും അവിടെനിന്നുള്ള മേഘങ്ങളുടെ നീക്കത്തിന് വേഗത കുറഞ്ഞു. ഇപ്പോഴത്തെ കണക്ക് അനുസരിച്ച് മേയ് 25ന് കാലവര്‍ഷം ശ്രീലങ്കയിലും തുടര്‍ന്ന് കേരളത്തിലും എത്തുമെന്ന് കരുതുന്നു.

ഇപ്പോഴത്തെ കാലവര്‍ഷം നല്ലതായിരിയ്ക്കുമെന്നാണ് കണക്ക്കൂട്ടല്‍. കഴിഞ്ഞ ഒരുവര്‍ഷം മുഴുവന്‍ കേരളത്തില്‍ മുന്‍ വര്‍ഷത്തെ കണക്കുകള്‍ അനുസരിച്ച് കേരളത്തിന് മഴ കിട്ടിയിട്ടുണ്ട്. ഈ ജനുവരി മുതല്‍ മേയ് വരെ കിട്ടേണ്ട വേനല്‍ മഴയും കാലവര്‍ഷത്തിന് മുന്നോടിയായി കിട്ടുന്ന മഴയും സാധാരണമായിരുന്നു. അതുകൊണ്ടാണ് ഈ കാലവര്‍ഷത്തിലും സാധാരണ മഴ കിട്ടുമെന്ന് കരുതുന്നതെന്ന് തിരുവനന്തപുരം കാലാവസ്ഥാ നിരീക്ഷണ കേന്ദ്രത്തിലെ ശാസ്ത്രജ്ഞനായ കെ. കെ. കെ. കുട്ടി പറഞ്ഞു.