മോഹനചന്ദ്രന്‍ വിജിലന്‍സ് ജഡ്ജി

തിരുവനന്തപുരം: വിജിലന്‍സ് അന്വേഷണ കമ്മിഷണറും പ്രത്യേക ജഡ്ജിയുമായി എം എസ് മോഹനചന്ദ്രന്‍ നിയമിതനായി. ഇപ്പോള്‍ തിരുവനന്തപുരം മോട്ടോര്‍ ആക്സിഡന്റ്സ് ക്ലെയിംസ് ട്രൈബുണല്‍ ആണ് ഇദ്ദേഹം.

അടുത്ത ആഴ്ചയില്‍ മോഹനചന്ദ്രന്‍ ചുമതലയേല്‍ക്കും. ബാലകൃഷ്ണപിള്ളയ്ക്കെതിരായ ഗ്രാഫൈറ്റ് കേസ്, കെ കരുണാകരന് എതിരായ പാമോലിന്‍ കേസ് എന്നിവ ഈ കോടതിയുടെ മുന്നിലാണ്. ഈ രണ്ട് കേസും രണ്ടാം ഘട്ടത്തിലാണ്. കല്ലട ജലസേചന പദ്ധതിയിലെ അഴിമതി കേസുകളും പല സ്പിരിട്ട് കേസുകളും ഈ കോടതിയുടെ മുന്നിലുണ്ട്.

അതുകൊണ്ട് തന്നെ മോഹനചന്ദ്രന്റെ ജോലി അനായാസമായിരിയ്ക്കില്ല.