ഇമിഗ്രേഷന് നിയമം: നടപടി വേണം- മന്ത്രി
ദില്ലി: ഇമിഗ്രേഷന് നിയമത്തിലെ പുതിയ മാറ്റങ്ങള് ഗള്ഫില് ജോലി തേടുന്നവരെ പ്രതികൂലമായി ബാധിക്കുന്ന സ്ഥിതി ഒഴിവാക്കാന് ആവശ്യമായ നടപടികള് സ്വീകരിക്കണമെന്ന് പ്രവാസി ക്ഷേമമന്ത്രി എം. എം. ഹസ്സന് വിദേശകാര്യമന്ത്രി യശ്വന്ത്സിഹ്നയെ കണ്ട് ആവശ്യപ്പെട്ടു.
ഇന്ഡിവിജ്വല് വിസയില് ജോലി തേടുന്നവരെ പുതിയ നിയമമാറ്റം പ്രതികൂലമായി ബാധിക്കുന്നുണ്ടെന്ന് ഹസ്സന് സിഹ്നയെ ബോധ്യപ്പെടുത്തി.
ഗള്ഫ് രാജ്യങ്ങളിലെ പ്രാദേശിക നിയമം തുണക്കാത്തതിനാല് പാചക ജോലിയും വീട്ടുവേലയും ചെയ്യുന്നവര് തൊഴില് പീഡനവും ലൈംഗിക പീഡനവും നേരിടുന്നതായി പരാതികള് ലഭിക്കുന്നുണ്ടെന്ന് ഹസ്സന് പറഞ്ഞു.
ദോഹയില് ഒരു ക്ഷേത്രം പണിയണമെന്ന അവിടുത്തെ മലയാളികളുടെ ആവശ്യം ഹസ്സന് കേന്ദ്രമന്ത്രിയുടെ ശ്രദ്ധയില്പ്പെടുത്തി.
വിമാനത്താവളങ്ങളില് തിരിച്ചെത്തുന്ന മലയാളികളെ കസ്റംസ് ഉദ്യോഗസ്ഥര് പീഡിപ്പിക്കുന്നത് അവസാനിപ്പിക്കണമെന്ന് ധനകാര്യമന്ത്രി ജസ്വന്ത്സിംഗിനോട് ഹസ്സന് ആവശ്യപ്പെട്ടു. റവന്യു സെക്രട്ടറി സി. എസ്. റാവുവുമായും അദ്ദേഹം ചര്ച്ച നടത്തി.