സംവരണം: രാജസ്ഥാന്റെ വഴി സ്വീകരിക്കണം

കോട്ടയം: സാമ്പത്തികമായി പിന്നോക്കം നില്‍ക്കുന്ന മുന്നോക്ക വിഭാഗങ്ങള്‍ക്ക് രാജസ്ഥാന്‍ സര്‍ക്കാര്‍ 14 ശതമാനം സംവരണം ഏര്‍പ്പെടുത്തിയത് കേരള സര്‍ക്കാരും മാതൃകയായി സ്വീകരിയ്ക്കണമെന്ന് എന്‍ എസ് എസ് ജനറല്‍ സെക്രട്ടറി പി. കെ. നാരായണപ്പണിക്കര്‍ ആവശ്യപ്പെട്ടു.

ഒരു കോണ്‍ഗ്രസ് സര്‍ക്കാരാണ് രാജസ്ഥാനില്‍ ഈ സംവരണം ഏര്‍പ്പെടുത്തിയിരിയ്ക്കുന്നത്.

സംവരണം സംബന്ധിച്ച് എന്‍ എസ് എസ് സുപ്രിം കോടതിയില്‍ നടത്തിവരുന്ന യുദ്ധം ഫലത്തോടടുക്കുണ്ടെന്നത് ആശ്വാസകരമാണ്.

മുന്നോക്ക വിഭാഗത്തില്‍ സാമ്പത്തികമായി പിന്നോക്കം നില്‍ക്കുന്നവര്‍ക്ക് സംവരണം ഏര്‍പ്പെടുത്തുന്നതിന് ആവശ്യമെങ്കില്‍ ഭരണഘടനാ ഭേദഗതിക്ക് സര്‍ക്കാര്‍ ആവശ്യപ്പെടണമെന്ന് നാരായണപ്പണിക്കര്‍ പറഞ്ഞു.

സാമ്പത്തിക സംവരണം ഏര്‍പ്പെടുത്തണമെന്ന് ക്രിസ്തു മതത്തിലെ സീറോ മലബാര്‍ വിഭാഗവും ആവശ്യപ്പെട്ടിരുന്നു. എന്നാല്‍ രാജസ്ഥാന്‍ സര്‍ക്കാരിന്റെ നീക്കത്തെക്കുറിച്ച് അവര്‍ അഭിപ്രായം ഒന്നും വ്യക്തമാക്കിയിട്ടില്ല.