കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സി പി എം യോഗത്തില്‍ ബഹളം

  • By Staff
Google Oneindia Malayalam News

കൊല്ലം: കരുനാഗപ്പള്ളി ഏരിയാ കമ്മിറ്റി നേതൃത്വത്തിനെതിരെ അച്ചടക്ക നടപടി നടപ്പിലാക്കാനെത്തിയ സി പി എം സംസ്ഥാന സെക്രട്ടറി പിണറായി വിജയന്റെ സാന്നിധ്യത്തില്‍ നടന്ന യോഗത്തില്‍ വാക്കുതര്‍ക്കവും ബഹളവും.

ഏരിയാ കമ്മിറ്റിയ്ക്കെതിരെ നടപടി സ്വീകരിക്കാനുള്ള ജില്ലാ നേതൃത്വത്തിന്റെ തീരുമാനത്തെ ഏരിയാ കമ്മിറ്റി അംഗങ്ങള്‍ പിണറായിയുടെ സാന്നിധ്യത്തില്‍ ശക്തമായി എതിര്‍ത്തു. ഏരിയാ ജനറല്‍ ബോഡി യോഗത്തിലാണ് സംസ്ഥാന നേതൃത്വത്തെ ഏരിയാ കമ്മിറ്റി അംഗങ്ങള്‍ വെല്ലുവിളിക്കുന്ന രംഗമുണ്ടായത്. ജില്ലാ സെക്രട്ടറി സംസാരിക്കുന്നതിനിടയില്‍ കമ്മിറ്റി അംഗങ്ങള്‍ മൈക്ക് തട്ടിപ്പറിച്ചു.

വിഭാഗീയ പ്രവര്‍ത്തനം നടത്തിയെന്നതിന്റെ പേരിലാണ് കരുനാഗപ്പള്ളി ഏരിയാ കമ്മിറ്റിയ്ക്കെതിരെ നടപടി സ്വീകരിക്കുന്നതിന് ജില്ലാ നേതൃത്വം തീരുമാനിച്ചത്. സി ഐ ടി യു പക്ഷത്തിന് മേധാവിത്തമുള്ളതാണ് കരുനാഗപ്പള്ളി ഏരിയാ കമ്മിറ്റി. ഏരിയാ സെക്രട്ടറി പരമേശ്വരന്‍ പോറ്റിയെ നീക്കി എന്‍. എസ്. പ്രസന്നകുമാറിനെ നിയമിച്ചിരുന്നു.

ഏരിയാ സെക്രട്ടറിയെ നീക്കിയ തീരുമാനത്തെ കമ്മിറ്റി അംഗങ്ങള്‍ ചോദ്യം ചെയ്തു. ബഹളത്തെ തുടര്‍ന്ന് യോഗത്തില്‍ തീരുമാനമൊന്നുമുണ്ടായില്ല.

ഏരിയാ കമ്മിറ്റി പിരിച്ചുവിടാന്‍ സി പി എം സംസ്ഥാന സമിതി തീരുമാനിച്ചേക്കുമെന്നാണ് അറിയുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X