വിദ്യാര്ത്ഥി രാഷ്ട്രീയം നിരോധിയ്ക്കാം: കോടതി
കൊച്ചി: കോളെജുകളില് വിദ്യാര്ത്ഥി രാഷ്ട്രീയം നിരോധിക്കാന് കോളെജ് അധികൃതര്ക്ക് അധികാരമുണ്ടെന്ന് കേരള ഹൈക്കോടതി ഡിവിഷന് ബഞ്ച് വിധിച്ചു.
കോളെജുകളില് ഔദ്യോഗിക യോഗങ്ങള് മാത്രമേ നടത്താവൂ എന്ന് പ്രിന്സിപ്പലിന് തീരുമാനിയ്ക്കാം. രാഷ്ട്രീയ യോഗങ്ങള് ഉള്പ്പടെ മറ്റ് യോഗങ്ങള് നടത്തരുതെന്നും അധികൃര്ക്ക് നിശ്ചയിയ്ക്കാം. ജസ്റിസ് രാധാകൃഷ്ണനും ജസ്റിസ് പത്മനാഭനും അടങ്ങിയ ഡിവിഷന് ബഞ്ചാണ് ഈ വിധി പ്രസ്ഥാവിച്ചത്. ഭരണഘടനയില് നിര്ദ്ദേശിയ്ക്കുന്ന അടിസ്ഥാന സ്വാതന്ത്യ്രങ്ങള്ക്ക് വിരുദ്ധമല്ല ഇതെന്നും കോടതി അഭിപ്രായപ്പെട്ടു.
പാലാ സെന്റ് തോമസ് കോളജിലെ വിദ്യാര്ത്ഥി സോജന് തോമസിനെ ബി എ പരീക്ഷയെഴുതാന് അനുവദിക്കാത്തത് ചോദ്യം ചെയ്തു കൊണ്ട് നല്കിയ ഹര്ജിയിലാണ് ഈ സുപ്രധാന വിധി. പ്രിന്സിപ്പലിന്റെ ഇത്തരം തീരുമാനങ്ങള് തടയാന് പരീക്ഷാ കണ്ട്രോളര്ക്ക് അവകാശമില്ലെന്നും കോടതി പറഞ്ഞു.
നേരത്തേ സോജന്റെ പരാതി സിംഗില് ബഞ്ച് തള്ളിയിരുന്നു. ഇതിനെതിരെ 25,000 രൂപ നഷ്ട പരിഹാരം ആവശ്യപ്പെട്ടുകൊണ്ടാണ് സോജന് ഡിവിഷന് ബഞ്ചില് പരാതി നല്കിയത്.