കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുലായം സോണിയയെ കണ്ടു

  • By Staff
Google Oneindia Malayalam News

ദില്ലി: സമാജ്വാദി പാര്‍ട്ടി നേതാവ് മുലായം സിംഗ് യാദവ് കോണ്‍ഗ്രസ് അധ്യക്ഷ സോണിയാ ഗാന്ധിയുമായി കൂടിക്കാഴ്ച നടത്തി. ഉത്തര്‍ പ്രദേശില്‍ മായാവതി സര്‍ക്കാരിന് ബദലായി ഒരു മുന്നണി രൂപീകരിക്കാനുള്ള ശ്രമത്തിന്റെ ഭാഗമായാണ് ഇരുവരും ചര്‍ച്ച നടത്തിയത്.

കേന്ദ്രമന്ത്രി പദത്തില്‍ നിന്നും തന്നെ ഒഴിവാക്കിയതില്‍ പ്രതിഷേധിച്ച് രാഷ്ട്രീയ ലോക്ദള്‍ നേതാവ് അജിത്സിംഗ് രാജിവയ്ക്കുകയും ഉത്തര്‍പ്രദേശില്‍ ബിജെപി പിന്തുണയുള്ള മായാവതി സര്‍ക്കാരിന് പിന്തുണ പിന്‍വലിക്കുകയും ചെയ്തിരുന്നു. ഇപ്പോള്‍ അജിത് സിംഗിന്റെ പാര്‍ട്ടിയും കോണ്‍ഗ്രസുമായി ചേര്‍ന്ന് ഉത്തര്‍പ്രദേശില്‍ മായാവതി സര്‍ക്കാരിനെ താഴെയിറക്കാനാണ് മുലായം സിംഗ് യാദവിന്റെ ശ്രമം.

ഇരു നേതാക്കളും ഏകദേശം അരമണിക്കൂര്‍ നേരം ചര്‍ച്ച നടത്തി. ഉത്തര്‍പ്രദേശില്‍ രാഷ്ട്രീയം അനുദിനം അധപതിച്ചുകൊണ്ടിരിക്കുകയാണെന്നും ഈ വേളയില്‍ അജിത്സിംഗിന് എന്തെങ്കിലും ചെയ്യാന്‍ കഴിയുന്നുവെങ്കില്‍ അതിന്റെ സ്വാഗതം ചെയ്യുമെന്നും മുലായം സിംഗ് പറഞ്ഞു.

അഞ്ച് സംസ്ഥാനങ്ങളില്‍ തിരഞ്ഞെടുപ്പ് നടക്കുന്നതിനോടനുബന്ധിച്ച് കോണ്‍ഗ്രസ് മുഖ്യമന്ത്രിമാരുടെ സമ്മേളനം ചേരുന്നതിന് മുന്നോടിയായി സോണിയാ ഗാന്ധി നടത്തിയ ഈ ചര്‍ച്ചയ്ക്ക് ഏറെ പ്രാധാന്യമുണ്ട്. ഒരു പക്ഷെ ദേശീയ തലത്തില്‍ കോണ്‍ഗ്രസ് നേതൃത്വത്തില്‍ സമാനചിന്താഗതിക്കാരെ ചേര്‍ത്ത് ഒരു പുതിയ മുന്നണിയുണ്ടാക്കാന്‍ സോണിയാഗാന്ധി തയ്യാറായേക്കുമെന്ന് കരുതുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X