രാഷ്ട്രീയ ധ്രുവീകരണം ഉണ്ടാകും: തോമസ്
കൊച്ചി: കേരളത്തില് ഉടനെ ഒരു രാഷ്ട്രീയ ധ്രുവീകരണമുണ്ടാകുമെന്ന് കേന്ദ്രനിയമകാര്യസഹമന്ത്രി പി.സി. തോമസ്. കേന്ദ്രമന്ത്രിയായതിന് ശേഷം ആദ്യമായി കേരളത്തിലെത്തിയ അദ്ദേഹം മെയ് 29 വ്യാഴാഴ്ച നെടുമ്പാശേരി വിമാനത്താവളത്തില് വാര്ത്താലേഖകരോട് സംസാരിക്കുകയായിരുന്നു.
ഒരു മൂന്നാം മുന്നണി ഉണ്ടാകും എന്ന് പറയുന്നതിനേക്കാള് അതിവിപുലമായ രാഷ്ട്രീയമാറ്റം കേരളത്തില് ഉണ്ടാകും എന്ന് പറയുന്നതാണ് ശരി. കേരളത്തില് പുതിയ രാഷ്ട്രീയ ചേരി ഉയര്ന്നുവരും. പല പുതിയ പാര്ട്ടികളും സംഘടനകളും ഈ ചേരിയില് ഉണ്ടാകും. - അദ്ദേഹം പറഞ്ഞു.
മന്ത്രിയെന്ന നിലയില് കേരളത്തിനും കേരളത്തിലെ ക്രിസ്ത്രീയ ജനവിഭാഗങ്ങള്ക്കും സഹായകരമായ പ്രവര്ത്തനങ്ങള് നടത്തും. - അദ്ദേഹം പറഞ്ഞു.
വിമാനത്താവളത്തില് അദ്ദേഹത്തിന് പ്രവര്ത്തകര് ആവേശകരമായ സ്വീകരണം നല്കി. എറണാകുളം, കോട്ടയം ജില്ലകളിലെ പ്രവര്ത്തകര് എത്തിയിരുന്നു. ആദ്യ പൗരസ്വീകരണം മൂവാറ്റുപുഴയിലായിരുന്നു. പിന്നീട് കോട്ടയത്തും അദ്ദേഹത്തിന് സ്വീകരണം നല്കി.