മാരുതി ഓഹരി 115 രൂപയ്ക്ക്
ബാംഗ്ലൂര്: മാരുതി ഉദേ ്യാഗ് ലിമിറ്റഡിന്റെ ഓഹരി 115 രൂപയ്ക്ക് നല്കും. ഇതുവഴി ആദ്യമായി ഓഹരി വിപണിയിലേക്ക് ചുവടുവയ്ക്കുകയാണ് മാരുതി. ഓഹരി വില്പന ജൂണ് 12ന് തുടങ്ങും.
ഓഹരി വില്പനയിലൂടെ 350 കോടി രൂപ സമാഹരിക്കാനാണ് നീക്കം. ഗവേഷണ-വികസന പരിപാടികള്ക്കും പുതിയ മോഡലുകള് പരിഷ്കരിക്കാനും ഉല്പാദനക്ഷമത 50 ശതമാനം കൂടി വര്ധിപ്പിക്കാനും ഈ തുക ഉപയോഗിക്കുമെന്ന് മാരുതി മാനേജിംഗ് ഡയറക്ടര് ജഗദീഷ് ഖട്ടര് പറഞ്ഞു.
ഇപ്പോള് മാരുതിയില് കേന്ദ്ര സര്ക്കാരിന് 45 ശതമാനം നിക്ഷേപമുണ്ട്. ഇതിലെ 25 ശതമാനമാണ് പൊതുഓഹരി വില്പനയിലൂടെ വിറ്റഴിയ്ക്കുന്നത്. ഇതോടെ കേന്ദ്ര സര്ക്കാരിന് മാരുതിയില് 20 ശതമാനം നിക്ഷേപമേ ഉണ്ടാകൂ. ജപ്പാനിലെ സുസുക്കി മോട്ടോര് കോര്പ്പറേഷനാണ് 55 ശതമാനം നിക്ഷേപമുള്ളത്. മാരുതിയുടെ ഇന്ത്യയിലെ ഗവേഷണ-വികസന കേന്ദ്രം ജപ്പാനു പുറത്തുള്ള ഏഷ്യയിലെ പ്രധാന ഗവേഷണ-വികസന കേന്ദ്രമായിരിക്കുമെന്ന് സുസുക്കി ചെയര്മാന് ഒസാമോ സുസുക്കി പറഞ്ഞു.