കാലവര്‍ഷം ദുര്‍ബലം

തിരുവനന്തപുരം: സംസ്ഥാനത്ത് കാലവര്‍ഷം ദുര്‍ബലമായി തുടരുന്നു. ജൂണ്‍ എട്ടിന് കാലവര്‍ഷം തുടങ്ങിയെങ്കിലും സംസ്ഥാനത്തെ പലയിടങ്ങളിലും ഇനിയും മഴയെത്തിയിട്ടില്ല.

കഴിഞ്ഞ ദിവസങ്ങളില്‍ ലക്ഷദ്വീപിലും കേരളത്തിലെ ഒറ്റപ്പെട്ട ചില സ്ഥലങ്ങളിലും മാത്രമേ മഴ പെയ്തുള്ളൂ. കോട്ടയം ജില്ലയിലാണ് ഏറ്റവും കൂടുതല്‍ മഴ ലഭിച്ചത്- നാല് സെന്റി മീറ്റര്‍. മങ്കൊമ്പിലും കണ്ണൂരിലും ഒരു സെന്റിമീറ്റര്‍ വീതം മഴ ലഭിച്ചു.

തിരുവനന്തപുരത്തും കൊല്ലത്തും ഇതുവരെ മഴയെത്തിയിട്ടില്ല. തലസ്ഥാനത്ത് ഇപ്പോഴും കനത്ത ചൂടാണ്.

ഏതാനും ദിവസങ്ങള്‍ക്ക് ശേഷമേ മഴ ശക്തമാവൂവെന്നാണ് കാലാവസ്ഥാ നീരീക്ഷണ കേന്ദ്രം അറിയിച്ചിട്ടുള്ളത്.