ഇന്ഷ്വറന്സ് കമ്പനി നഷ്ടപരിഹാരം നല്കണം
തിരുവനന്തപുരം: അപകടത്തില് പെട്ട വണ്ടിയ്ക്ക് ഇന്ഷ്വറന്സ് ക്ലെയിം പ്രകാരമുള്ള തുക നല്കാന് വിസമ്മതിച്ച ഓറിയന്റല് ഇന്ഷ്വറന്സ് കമ്പനിയോട് നഷ്ടപരിഹാരം നല്കാന് സംസ്ഥാന ഉപഭോക്തൃ തര്ക്കപരിഹാര കമ്മിഷന് ഉത്തരവിട്ടു.
അപകടം നടന്ന സമയത്ത് വാഹനത്തിന്റെ ഡ്രൈവറുടെ ലൈസന്സിന്റെ കാലാവധി കഴിഞ്ഞിരുന്നുവെന്നും ലൈസന്സ് പുതുക്കിയിരുന്നില്ലെന്നും ചൂണ്ടിക്കാട്ടിയാണ് കമ്പനി ഇന്ഷ്വറന്സ് തുക നല്കാന് വിസമ്മതിച്ചത്. ജില്ലാ ഉപഭോക്തൃ ഫോറത്തിന്റെ ഉത്തരവിനെതിരെ കമ്പനി നല്കിയ ഹര്ജി സംസ്ഥാന കമ്മിഷന് തള്ളി.
നേരത്തെ ക്ലെയിം ഉന്നയിച്ചയാള്ക്ക് 14, 500 രൂപ അറ്റക്കുറ്റപ്പണിയ്ക്കുള്ള ചെലവായും 2500 രൂപ നഷ്ടപരിഹാരമായും 1000 രൂപ ചെലവായും നല്കാന് ജില്ലാ കോടതി ഉത്തരവിട്ടിരുന്നു. ഇതിനെതിരെയാണ് കമ്പനി സംസ്ഥാന കമ്മിഷനെ സമീപിച്ചത്.
അപകടം നടന്ന സമയത്ത് ലൈസന്സിന്റെ കാലാവധി തീര്ന്നതിനാല് ഇന്ഷ്വറന്സ് പോളിസി വ്യവസ്ഥ ലംഘിച്ചുവെന്ന് ആരോപിച്ചാണ് കമ്പനി ക്ലെയിം നല്കാന് വിസമ്മതിച്ചത്. എന്നാല് പോളിസി വ്യവസ്ഥ ലംഘിക്കപ്പെട്ടിട്ടില്ലെന്ന് ചൂണ്ടിക്കാട്ടി കമ്മിഷന് കമ്പനിയുടെ ഹര്ജി തള്ളി.