വിജയ് മല്ല്യ കേരളത്തില്‍

കോഴിക്കോട്: ജനതാപാര്‍ട്ടിയുടെ പ്രചാരണത്തിനായി പാര്‍ട്ടി ദേശീയ വര്‍ക്കിംഗ് പ്രസിഡന്റും മദ്യ വ്യവസായിയുമായ വിജയ് മല്ല്യ കേരളത്തില്‍ പര്യടനം തുടങ്ങി. ദേശീയ തലത്തില്‍ ജനതാപാര്‍ട്ടി ഒരു ശക്തിയായി ഉയര്‍ന്നുവരുമെന്ന് വാര്‍ത്താസമ്മേളനത്തില്‍ വിജയ് മല്ല്യ പറഞ്ഞു.

അഴിമതിയ്ക്കെതിരായ യുവത്വത്തിന്റെ പാര്‍ട്ടിയായി ജനതാപാര്‍ട്ടിയെ വളര്‍ത്തും. പാര്‍ട്ടിയ്ക്ക് കര്‍ണ്ണാടകത്തില്‍ നല്ല പ്രതികരണമാണ്. കേരളത്തില്‍ പാര്‍ട്ടിയുടെ ആശയങ്ങള്‍ പ്രചരിപ്പിക്കാനാണ് താന്‍ പര്യടനം നടത്തുന്നത്. - വിജയ് മല്ല്യ പറഞ്ഞു.

ജനതാദള്‍(യു)- ജനതാദള്‍ (എസ്) എന്നിവയെ ലയിപ്പിക്കാന്‍ കര്‍ണ്ണാടകത്തില്‍ ശ്രമം നടത്തി പരാജയപ്പെട്ടതിനാലാണ് താന്‍ ഇപ്പോള്‍ ജനതാപാര്‍ട്ടിയില്‍ ചേര്‍ന്നത്. യുവാക്കളിലാണ് ഇന്ത്യയുടെ ഭാവിയെന്നും യുവാക്കളെ ഒന്നിപ്പിക്കാന്‍ ജനതാപാര്‍ട്ടി ശ്രമിയ്ക്കുമെന്നും വിജയ് മല്ല്യ പറഞ്ഞു.