മുരളിയുടെ കാര് ആക്രമിച്ചു
കോഴിക്കോട്: കെപിസിസി പ്രസിഡന്റ് കെ. മുരളീധരന്റെ കാറിന് നേരെ ബിജെപി-ആര്എസ്എസ് പ്രവര്ത്തകര് ആക്രമണം നടത്തി. ബിലാത്തിക്കുളത്തിനടുത്തുള്ള മുരളിയുടെ വീടിനു തൊട്ടടുത്ത്വച്ചാണ് ജൂണ് 29 ഞായറാഴ്ച ആക്രമണമുണ്ടായത്.
പന്നിയങ്കരയിലുള്ള ഒരു മരണവീട്ടില് പോയി മടങ്ങുകയായിരുന്നു മുരളീധരന്. തികച്ചും അപ്രതീക്ഷിതമായി പ്രകോപനപരമായ മുദ്രാവാക്യങ്ങള് മുഴക്കി ഒരു സംഘം ബിജെപി-ആര്എസ്എസ് പ്രവര്ത്തകര് ക്വാളിസ് കാറിന് മുന്നിലേക്ക് ചാടി വീണു. ചിലര് മുഷ്ടി ചുരുട്ടി ചില്ലില് ഇടിയ്ക്കുകയും ഭീഷണി മുഴക്കുകയും ചെയ്തു. അക്രമികള് കാറിന്റെ വൈപ്പര് തകര്ത്തു.
ബഹളം കേട്ട് മുരളിയുടെ വീട്ടിലുണ്ടായിരുന്ന കോണ്ഗ്രസ് പ്രവര്ത്തകര് ഓടിവരുമ്പോഴേക്കും അക്രമികള് ഓടി മറഞ്ഞു. 35ഓളം പേരടങ്ങുന്ന സംഘം അക്രമത്തിന് അല്പം മുമ്പ് മുരളിയുടെ വീടിന് മുന്നിലൂടെ പ്രകടനം നടത്തിയിരുന്നു. മാറാട് പുനരധിവാസം സംബന്ധിച്ച മുരളിയുടെ നിലപാടില് പ്രതിഷേധിച്ചായിരുന്നു പ്രകടനം.