ലീഗ് യുഡിഎഫ് വിടണമെന്ന് സേട്ട്

കൊച്ചി: മുസ്ലിങ്ങളുടെ അവകാശങ്ങള്‍ സംരക്ഷിക്കാനും അവര്‍ക്ക് സംരക്ഷണം നല്‍കാനും കഴിയാത്ത മുസ്ലിം ലീഗ് യുഡിഎഫ് വിടണമെന്ന് ഐഎന്‍എല്‍ അഖിലേന്ത്യാ പ്രസിഡന്റ് ഇബ്രാഹിം സുലൈമാന്‍ സേട്ട് ആവശ്യപ്പെട്ടു.

മാറാട് സമാധാനം പുന:സ്ഥാപിക്കുന്നതിലും കലാപത്തെ തുടര്‍ന്ന് പലായനം ചെയ്ത 230 കുടുംബങ്ങളെ പുനരധിവസിപ്പിക്കുന്നതിലും സര്‍ക്കാര്‍ പരാജയപ്പെട്ടു.

തിരിച്ചുവരാന്‍ ധൈര്യം കാട്ടിയ രണ്ട് സ്ത്രീകള്‍ക്ക് തിരികെ പോവേണ്ടിവന്നു. പൊലീസ് നിശബ്ദ കാഴ്ചക്കാരെ പോലെ നിന്നതുകൊണ്ടാണ് കുടുംബങ്ങള്‍ക്ക് തിരികെ പോവേണ്ടിവന്നത്- സേട്ട് പറഞ്ഞു.