തൃശൂരില്‍ മാര്‍ച്ചിന് നേരെ ലാത്തിച്ചാര്‍ജ്

തൃശൂര്‍: കഴിഞ്ഞ ദിവസം വിദ്യാര്‍ഥി മാര്‍ച്ചിനെതിരെ നടന്ന പൊലീസ് അതിക്രമത്തില്‍ പ്രതിഷേധിച്ച് ഇടതുപക്ഷ വിദ്യാര്‍ഥികള്‍ നടത്തിയ മാര്‍ച്ചിന് നേരെ തൃശൂരില്‍ പൊലീസ് ലാത്തി വീശി.

മാര്‍ച്ച് അക്രമാസക്തമായതിനെ തുടര്‍ന്ന് പൊലീസ് ലാത്തിവീശുകയായിരുന്നു. ലാത്തിച്ചാര്‍ജില്‍ എസ് എഫ് ഐ, എ ഐ എസ് എഫ് നേതാക്കളുള്‍പ്പെടെ ഒട്ടേറെ പേര്‍ക്ക് പരിക്കേറ്റു.

ഏഷ്യാനെറ്റ് ക്യാമറാമാനും പരിക്കേറ്റു. മറ്റ് മാധ്യമപ്രവര്‍ത്തകരെ പൊലീസ് വിരട്ടിയോടിച്ചു.