ജയില്മോചനം അട്ടിമറിയ്ക്കാന് നീക്കം: മദനി
തിരുവനന്തപുരം: തന്റെ ജയില്മോചനം അട്ടിമറിയ്ക്കാന് നീക്കം നടക്കുന്നതായി കോയമ്പത്തൂര് ജയില് തടവുകാരനായി കഴിയുന്ന പിഡിപി നേതാവ് അബ്ദുള് നാസര് മദനി പറഞ്ഞു. ഈയിടെ പിഡിപിയെ ചിലര് പിളര്ത്തിയതിന് പിന്നില് ഈ ലക്ഷ്യമാണെന്നുംമദനി ആരോപിച്ചു.
താന് ജയിലിലായിരുന്നപ്പോള് മുതല് പാര്ട്ടിയെ സ്വന്തം വരുതിയില് നിര്ത്താന് ശ്രമിച്ചവരാണ് ഇപ്പോള് പാര്ട്ടിയെ പിളര്ത്തിയത്. പാര്ട്ടിയുടെ നന്മയ്ക്കായി ഞാന് നല്കിയ ഉപദേശങ്ങള് ഇവര് ലംഘിയ്ക്കുകയും ചെയ്തു. - മദനി പറഞ്ഞു.
പാര്ട്ടിയുടെ പേരില് വ്യാജപ്പിരിവ് നടത്തുകയും ചെയ്തിട്ടുള്ളവരാണ് ഇപ്പോള് പിഡിപിയില് നിന്നും പിരിഞ്ഞുപോയവര്. പിഡിപി സെക്രട്ടറിയേറ്റ് മാര്ച്ചിനിടെ അക്രമങ്ങള് ഉണ്ടാക്കിയതും ഇക്കൂട്ടരാണ്. കേരളത്തില് പാര്ട്ടി പ്രവര്ത്തകര് തനിക്ക് പരോള് നിഷേധിച്ചതിനെതിരെ സമരരംഗത്ത് നില്ക്കുമ്പോള് കോര്പ്പറേഷനില് വല്ല സ്ഥാനവും ലഭിയ്ക്കുമോ എന്ന് നോക്കി സെക്രട്ടറേറിയറ്റില് കറങ്ങിനടക്കുകയായിരുന്നു ഇക്കൂട്ടര്. - മദനി ആരോപിച്ചു.