ഖനനം: കുഞ്ഞാലിക്കുട്ടിയ്ക്കെതിരെ ആന്റണി
തിരുവനന്തപുരം: ആലപ്പുഴ തീരദേശത്ത് ഖനനം നടത്താന് നാഷണല് മിനറല് ഡവലപ്മെന്റ് കോര്പ്പറേഷന് എത്ര വര്ഷത്തെ കരാര് നല്കിയെന്ന കാര്യത്തില് മുഖ്യമന്ത്രിയും വ്യവസായമന്ത്രിയും തമ്മില് തര്ക്കം. കരിമണല് ഖനനത്തിന് 20 വര്ഷത്തെ കരാറാണ് സംസ്ഥാന സര്ക്കാര് നല്കിയിരിക്കുന്നതെന്ന് കഴിഞ്ഞ ദിവസം വ്യവസായമന്ത്രി കുഞ്ഞാലിക്കുട്ടി വാര്ത്താസമ്മേളനത്തില് പ്രഖ്യാപിച്ചിരുന്നു.
എന്നാല് ഖനനത്തിന് എത്ര കാലത്തെ അനുമതി നല്കണമെന്ന കാര്യത്തില് സംസ്ഥാന സര്ക്കാര് തീരുമാനമെടുത്തിട്ടില്ലെന്ന് മുഖ്യമന്ത്രി എ.കെ. ആന്റണി പറഞ്ഞു. കരാര് കാലാവധി സംബന്ധിച്ച് അന്തിമതീരുമാനമെടുക്കാന് സര്ക്കാര് രണ്ടാഴ്ചത്തെ കൂടി സമയം ചോദിച്ചിട്ടുണ്ട്. - ആന്റണി പറഞ്ഞു.
കരാര് കാലവധി സംബന്ധിച്ച് മന്ത്രിസഭ അന്തിമ തീരുമാനം കൈക്കൊണ്ടിട്ടില്ല. സര്ക്കാരിന്റെ മുമ്പില് ചില നിര്ദേശങ്ങളുണ്ട്. ഇതിന്മേല് അന്തിമതീരുമാനമെടുക്കാന് രണ്ടാഴ്ചത്തെക്കൂടി സമയം വേണ്ടിവരും. എന്നാല് ഇനിയും ചില കാര്യങ്ങളില് വ്യക്തത ഉണ്ടാവേണ്ടതുണ്ട്. - ആന്റണി പറഞ്ഞു.