ഹസ്സന്‍ പറയുന്നത് പച്ചക്കള്ളം: വി. എസ്

തിരുവനന്തപുരം: കരുണാകരനെതിരെ കേസെടുക്കുന്നതിനെതിരെ താന്‍ പാര്‍ലമെന്ററി അണ്ടര്‍കമ്മിറ്റി റിപ്പോര്‍ട്ടില്‍ വിയോജനക്കുറിപ്പെഴുതിയിരുന്നുവെന്ന മന്ത്രി എം. എം. ഹസ്സന്റെ പ്രസ്താവന പച്ചക്കള്ളമാണെന്ന് പ്രതിപക്ഷ നേതാവ് വി. എസ്. അച്യുതാനന്ദന്‍.

ഒരു പൊതുപ്രവര്‍ത്തകന് തരംതാവാവുന്നതിന്റെ അങ്ങേയറ്റത്തോളം ഹസ്സന്‍ അധ:പതിച്ചിരിക്കുകയാണ്. ജൂലൈ ആറ് ഞായറാഴ്ച വാര്‍ത്താസമ്മേളനത്തില്‍ സംസാരിക്കുകയായിരുന്നു വിഎസ്.

കരുണാകരനെതിരായ കേസ് പിന്‍വലിക്കാനുള്ള നീക്കവും മന്ത്രി കെ. വി. തോമസിനെതിരായ വിജിലന്‍സ് അന്വേഷണം വൈകിക്കുന്നതും ഗൗരവമുള്ള കാര്യങ്ങളാണ്. അഴിമതിക്കേസുകള്‍ തുടച്ചുനീക്കാനുള്ള ആന്റണി സര്‍ക്കാരിന്റെ ശ്രമത്തിന്റെ ഭാഗമാണിത്- അച്യുതാനന്ദന്‍ പറഞ്ഞു.