ഗോശ്രീ പാലം പണി വര്ഷാന്ത്യം പൂര്ത്തിയാവും
കൊച്ചി: 2003 ഡിസംബര് 31ന് മുമ്പ് ഗോശ്രീ പാലങ്ങളുടെ പണി പൂര്ത്തിയാക്കുന്നതിന് ഗോശ്രീ ദ്വീപ് വികസന അതോറിറ്റിയുടെ സ്റിയറിംഗ് കമ്മിറ്റി യോഗം തീരുമാനിച്ചു.
തദ്ദേശസ്വയംഭരണമന്ത്രി ചെര്ക്കളം അബ്ദുളളയുടെ അധ്യക്ഷതയില് ചേര്ന്ന യോഗം പണി പൂര്ത്തിയാക്കുന്നതിനുള്ള കാലാവധി മൂന്ന് മാസത്തേക്ക് കൂടി നീട്ടി.
ഗോശ്രീ പാലം ദേശീയ പാതയുമായി ബന്ധിപ്പിക്കുന്നതിനുള്ള തീരദേശ റോഡ് പണിയുന്നതിനുള്ള നിര്ദേശം ഗ്രേറ്റര് കൊച്ചിന് ഡെവലപ്പ്മെന്റ് അതോറിറ്റി (ജി സി ഡി എ) യോഗത്തില് സമര്പ്പിച്ചു. കൊച്ചിയിലെ റോഡുകളിലെ ഗതാഗതം സുഗമമാക്കുന്നതിന് തീരദേശ റോഡ് ആവശ്യമാണെന്ന് ജി സി ഡി എ ചെയര്മാന് യോഗത്തില് പറഞ്ഞു.
പാലങ്ങള് പൂര്ത്തിയായി കഴിഞ്ഞാല് കൂടുതല് വാഹനങ്ങള് നഗരത്തിലേക്ക് വരും. വാഹനങ്ങള് കൂടുമ്പോഴുള്ള ഗതാഗത പ്രശ്നം പരിഹരിക്കാന് ഒരു ബൈപാസ് വേണ്ടതുണ്ട്. വടുതലയിലൂടെ ചേരാനല്ലൂര് ദേശീയ പാതയുമായി ബന്ധിപ്പിക്കുന്നതായിരിക്കും ബൈപാസ് റോഡ്. 15 കോടിയാണ് റോഡ് പണിക്ക് ചെലവ് കണക്കാക്കുന്നത്.
എന്നാല് റോഡ് നിര്മിക്കുന്നതിനുള്ള പണം കണ്ടെത്തുന്നതു സംബന്ധിച്ച് യോഗത്തില് തീരുമാനമായില്ല. ഇത്രയും പണം ചെലവഴിക്കാവുന്ന നിലയിലല്ല ജി സി ഡി എ എന്ന് ജില്ലാ കളക്ടര് യോഗത്തില് ചൂണ്ടിക്കാട്ടി. റോഡ് പണി റോഡ്-പാലം വികസന കോര്പ്പറേഷന് കൈമാറുന്നതിനാണ് ആലോചന.
ജി സി ഡി എയും ഹിന്ദുസ്ഥാന് ലിവറും തമ്മിലുള്ള തര്ക്കം പരിഹരിക്കുന്നതിന് നാലംഗസമിതി രൂപീകരിക്കാനും യോഗം തീരുമാനിച്ചു.