റബര് ഇറക്കുമതി വേണ്ടെന്ന് നിയമസഭ
യമസഭതിരുവനന്തപുരം: സ്വാഭാവിക റബര് ഇറക്കുമതിക്കുള്ള നിരോധനം കേന്ദ്രം വീണ്ടും ഏര്പ്പെടുത്തണമെന്ന് ആവശ്യപ്പെട്ട് നിയമസഭ ഐകകണ്ഠേന പ്രമേയം പാസാക്കി.
ഉമ്മന്ചാണ്ടി (കോണ്ഗ്രസ്) യാണ് പ്രമേയം അവതരിപ്പിച്ചത്. റബര് ഇറക്കുമതിക്കുള്ള നിരോധനം നീക്കിയത് സംസ്ഥാനത്തെ കാര്ഷിക മേഖലയെ മാത്രമല്ല സംസ്ഥാനത്തിന്റെ സാമ്പത്തികസ്ഥിതിയെയും ബാധിക്കുമെന്ന് ഉമ്മന്ചാണ്ടി പ്രമേയത്തില് ചൂണ്ടിക്കാട്ടി.
നിരോധനം നീക്കാനുള്ള കേന്ദ്രതീരുമാനം റബറിന്റെ വിലയിടിയുന്നതിന് കാരണമാവും. ഇത് സംസ്ഥാനത്തെ റബര് കര്ഷകരുടെ സ്ഥിതി കഷ്ടത്തിലാക്കും. ഒരു കിലോഗ്രാം റബറിന് ഒരു രൂപ കുറഞ്ഞാല് ഖജനാവിന് 7.2 കോടി രൂപയാണ് നഷ്ടമാവുക.
റബര് ഇറക്കുമതിക്കുള്ളനിരോധനം വീണ്ടും ഏര്പ്പെടുത്താന് കേന്ദ്രത്തില് സംസ്ഥാന സര്ക്കാര് സമ്മര്ദം ചെലുത്തണമെന്ന് കോടിയേരി ബാലകൃഷ്ണന് ( സി പി എം) ആവശ്യപ്പെട്ടു. സര്വകക്ഷി സംഘം കേന്ദ്ര വാണിജ്യ വകുപ്പിന് നിവേദനം സമര്പ്പിക്കണമെന്ന് കോടിയേരി നിര്ദേശിച്ചു.
പ്രശ്നം കേന്ദ്രത്തിന് മുന്നില് അവതരിപ്പിക്കുമെന്ന് മുഖ്യമന്ത്രി എ. കെ. ആന്റണി പറഞ്ഞു. പ്രശ്നം പാര്ലമെന്റില് അവതരിപ്പിക്കാന് കേരളത്തിലെ എം പിമാരോട് ആന്റണി ആവശ്യപ്പെട്ടു. പിന്നീട് പ്രമേയം ഐക്യകണ്ഠേന പാസാക്കി.