തൊഗാഡിയയ്ക്കെതിരെ സര്ക്കാര് കേസെടുക്കണം: മുരളി
കോഴിക്കോട്: വിശ്വഹിന്ദു പരിഷത്ത് അന്തര്ദേശീയ ജനറല് സെക്രട്ടറി പ്രവീണ് തഗോഡിയയ്ക്കെതിരെ ഐക്യമുന്നണി സര്ക്കാര് കേശെടുക്കണമെന്ന് കെ പി സി സി പ്രസിഡണ്ട് കെ. മുരളീധരന് ആവശ്യപ്പെട്ടു. ന്യൂനപക്ഷത്തിനെതിരെ വിമര്ശനം ഉയര്ത്തി പ്രകോപനപരമായ പ്രസംഗം നടത്തിയതിനാണ് ഇത്.
മൈക്ക് വച്ച് തൊഗാഡിയ പ്രസംഗിച്ച യോഗം നടത്തിയതിന് സംഘാടകര്ക്കെതിരെ പൊലീസ് കേസെടുത്തിട്ടുണ്ട്. വലിയ മീനിനെ വിട്ട് ചെറിയ മീനിനെ പിടിയ്ക്കുകയാണ് സര്ക്കാര് ചെയ്തതെന്ന് മുരളീധരന് ഇതിനെ കളിയാക്കുകയും ചെയു. കോഴിക്കോട് പ്രസ് ക്ലബില് കെ സി മാധവ കുറുപ്പ് സ്മാരക പത്രപ്രവര്ത്തക അവാര്ഡ് ദാന ചടങ്ങില് സംസാരിയ്ക്കുകയായിരുന്നു മുരളീധരന്.
സംസ്ഥാനത്ത് വര്ഗ്ഗീയ സ്പര്ധ പടര്ത്തുകയായിരുന്നു തൊഗാഡിയയുടെ പ്രസംഗത്തിന്റെ ഉദ്ദേശം. അതുകൊണ്ട് തൊഗാഡിയയ്ക്കെതിരെ കേസെടുക്കേണ്ടത് സര്ക്കാരിന്റെ കടമയാണ്.
കേരളത്തിലെ ന്യൂനപക്ഷങ്ങള് ഭരണഘടന അനുസരിച്ച് തുല്യ അവകാശങ്ങള് അനുഭവിയ്ക്കുന്നവരാണ്. ഇവര് സമ്മര്ദ്ദ തന്ത്രങ്ങള് ഉപയോഗിച്ച് സര്ക്കാരില് നിന്ന് ഒന്നും നേടിയിട്ടില്ലെന്നും മുരളി പറഞ്ഞു.